ເປີດນຳໃຊ້ຫ້ອງທົດລອງພາກສະໜາມ "ເລຍຢິງ" ແຫ່ງທຳອິດຢູ່ເມືອງຣຸ້ຍລີ້ແຂວງຢຸນນານ

ນັບແຕ່ເວລາ 0:00 ເຖິງເວລາ 24:00 ໂມງຂອງວັນທີ 12 ກໍລະກົດ, ແຂວງຢຸນນານມີຜູ້ຕິດພະຍາດໂຄວິດ-19 ທີ່ເປັນການຕິດເຊື້ອໃນຊຸມຊົນເພີ່ມຂຶ້ນໃໝ່ 1 ກໍລະນີ, ກໍລະນີນຳເຂົ້າຈາກຕ່າງປະເທດເພີ່ມຂຶ້ນໃໝ່ 6 ກໍລະນີ ແລະ ຄົນເຈັບທີ່ບໍ່ມີອາການ 1 ກໍລະນີ. ແຂວງຢຸນນານມີຜູ້ເປັນພະຍາດໂຄວິດ-19 ທັງໝົດ 155 ກໍລະນີ( 60 ກໍລະນີຈາກທ້ອງຖິ່ນ, 95 ກໍລະນີນຳເຂົ້າຈາກຕ່າງປະເທດ), ແລະ ຄົນເຈັບທີ່ບໍ່ມີອາການ 21 ກໍລະນີ ( 1 ກໍລະນີຈາກທ້ອງຖິ່ນ, 20 ກໍລະນີນຳເຂົ້າຈາກຕ່າງປະເທດ), ເຊິ່ງທັງໝົດນີ້ໄດ້ຮັບການສັງເກດອາການຈາກທາງແພດ ແລະ ແຍກປ່ຽວໃນສະຖາບັນການແພດທີ່ກຳນົດ.

ວັນທີ 9 ກໍລະກົດນີ້, ຫ້ອງທົດລອງພາກສະໜາມ "ເລຍຢິງ" ແຫ່ງທຳອິດຢູ່ເມືອງຣຸ້ຍລີ້ແຂວງຢຸນນານໄດ້ລົງຈອດຢູ່ໂຮງໝໍຈີງເຊີງ ແລະ ເປີດການນຳໃຊ້.ອີງຕາມຂໍ້ມູນຂ່າວສານ,ຫ້ອງທົດລອງສາມາດບັນລຸການເກັບກຳຕົວຢ່າງເຊື້ອໄດ້ຕະຫຼອດ 24 ຊົ່ວໂມງ, ແລະ ມີຄວາມສາມາດໃນການກວດຫາເຊື້ອໄວຣັດປະຈຳວັນຮອດ 30.000 ຕົວຢ່າງ.

ນັບຕັ້ງແຕ່ວັນທີ 4 ເດືອນກໍລະກົດ, ຈົນຮອດເວລາ 24:00 ໂມງຂອງວັນທີ 10 ກໍລະກົດ, ເມືອງຣຸ້ຍລີ້ໄດ້ສືບສວນຫາຜູ້ທີ່ໃກ້ຊິດກັບຜູ້ຕິດເຊື້ອທັງໝົດ 5.131 ຄົນ. ນັບແຕ່ເວລາ 6 ໂມງຂອງວັນທີ 10 ກໍລະກົດ, ເມືອງຣຸ້ຍລີ້ໄດ້ສືບຕໍ່ດຳເນີນການກວດຫາເຊື້ອໄວຣັດຮອບທີ 6, ໂດຍໃຊ້ຮູບແບບການກວດກາຄັ້ງດຽວ ແລະ ການກວດເກັບຕົວຢ່າງເຊື້ອໄວຣັດຄັ້ງດຽວ, ຂອບເຂດພື້ນທີ່ສຳຄັນໃນການກວດຫາເຊື້ອໄວຣັດມີ ເຂດເຈຍເກົ້າ, ເຂດວານຕິງ ແລະ ປະຊາຊົນໃນເຂດແຍກປ່ຽວ.

ມາຈາກ ເວັບໄຊແຂວງຢຸນນານ

ນັກຂ່່າວ ເຊຍຟັງຫາຍ