ກອງປະຊຸມມໍລະດົກໂລກຄັ້ງທີ 44 ຈະຈັດຂຶ້ນຢູ່ນະຄອນຝູໂຈ່ວແຂວງຝູຈ້ຽນຈີນໃນວັນທີ 16 ກໍລະກົດນີ້. ໃນເວລາແນະນຳກ່ຽວກັບສະພາບການທີ່ກ່ຽວຂ້ອງກັບກອງປະຊຸມດັ່ງກ່າວທີ່ຈັດຂຶ້ນຢູ່ນະຄອນຫຼວງປັກກກິ່ງໃນວັນທີ 12 ກໍລະກົດນີ້, ທ່ານແຢນເສິງກາວ ຮອງຫົວໜ້າກົມທີ່ດິນສະຫງວນຂອງອົງການປ່າໄມ້ແລະທົ່ງຫຍ້າແຫ່ງຊາດຈີນກ່າວວ່າ: ປັດຈຸບັນ, ຈຳນວນມໍລະດົກໂລກທາງທຳມະຊາດ ແລະ ມໍລະດົກໂລກທາງທຳມະຊາດແລະວັດທະນະທຳຂອງຈີນລ້ວນແຕ່ເປັນອັນດັບໜຶ່ງຂອງໂລກ.
ທ່ານກ່າວຕື່ມວ່າ: ຈີນແມ່ນຜູ້ສະໜັບສະໜູນທີ່ເດັດດ່ຽວ ແລະ ແມ່ນຜູ້ຕັ້ງໜ້າປະຕິບັດຕາມ “ສົນທິສັນຍາອະນຸລັກມໍລະດົກໂລກທາງວັດທະນະທຳແລະທຳມະຊາດ”. ນັບແຕ່ໄດ້ເຂົ້າເປັນສະມາຊິກຂອງສົນທິສັນຍາສະບັບນີ້ໃນປີ 1985 ເປັນຕົ້ນມາ, ຈີນມີມໍລະດົກໂລກທາງທຳມະຊາດ 14 ແຫ່ງ ແລະ ມໍລະດົກໂລກທາງທຳມະຊາດແລະວັດທະນະທຳ 4 ແຫ່ງ, ລ້ວນແຕ່ເປັນອັນດັບໜຶ່ງຂອງໂລກ, ພ້ອມດຽວກັນນີ້, ຈີນໄດ້ເອົາໃຈໃສ່ປົກປັກຮັກສາມໍລະດົກເຫຼົ່ານີ້ໄດ້ເປັນຢ່າງດີໂດຍລວມ ແລະ ບໍ່ມີມໍລະດົກແຫ່ງໃດເກີດມີຄວາມອັນຕະລາຍ. ບົດລາຍງານປະເມີນຜົນທີ່ມີອິດທິພົນຕໍ່ສະພາບການອະນຸລັກມໍລະດົກໂລກໃນຂອບເຂດທົ່ວໂລກຂອງສະຫະພັນອະນຸລັກທຳມະຊາດໂລກ ຫຼື IUCN ສະແດງໃຫ້ເຫັນວ່າ: ສະພາບການອະນຸລັກມໍລະດົກໂລກຂອງຈີນໄດ້ສູງກວ່າລະດັບສະເລ່ຍຂອງສາກົນ.