ວັນທີ 12 ກໍລະກົດນີ້, ໄດ້ເກີດເຫດອາຄານພັງຖະຫຼົ່ມທີ່ຮຸນແຮງ ໃນອາຄານເສີມຂອງໂຮງແຮມສີ່ຈິຄາຍຢວນ ເຂດອູຈ່ຽງ ເມືອງຊູໂຈວ ແຂວງຈ່ຽງຊູ, ມາຮອດເວລາ 9 ໂມງຂອງວັນທີ 14, ວຽກງານຄົ້ນຫາແລະ ກູ້ໄພໄດ້ສຳເລັດ. ພົບເຫັນຄົນທີ່ຖືກຂັງໃນອາຄານຖະຫຼົ່ມຈຳນວນທັງໝົດ 23 ຄົນ. ໃນນັ້ນ: 1 ຄົນໄດ້ກັບບ້ານ ແລະ ບໍ່ໄດ້ຮັບບາດເຈັບ, 5 ຄົນທີ່ໄດ້ຮັບບາດເຈັບມີອາການຄົງທີ່ ຫຼັງຈາກໄດ້ຮັບການປິ່ນປົວ, ແລະ ມີຜູ້ເສຍຊີວິດ 17 ຄົນ.
ປັດຈຸບັນ, ອຳນາດການປົກຄອງແຂວງຈ່ຽງຊູໄດ້ເລີ່ມຕົ້ນການສືບສວນຢ່າງເລິກເຊິ່ງກ່ຽວກັບສາເຫດຂອງອຸບັດຕິເຫດດັ່ງກ່າວ. ອີງຕາມຂໍ້ມູນຂ່າວສານທີ່ກ່ຽວຂ້ອງ, ສາເຫດຂັ້ນຕົ້ນຂອງການເກີດອຸບັດຕິເຫດແມ່ນຍ້ອນວ່າເຈົ້າຂອງອາຄານໄດ້ເຮັດການສ້ອມແປງໂຄງສ້າງຂອງເຮືອນສ່ວນຕົວເຊິ່ງເປັນສາເຫດເຮັດໃຫ້ອາຄານສ່ວນໜຶ່ງຫັກພັງລົງມາ.