ວັນທີ 14 ກໍລະກົດນີ້, ກະຊວງການຄ້າຈີນໄດ້ເປີດເຜີຍຂໍ້ມູນທີ່ສະແດງໃຫ້ເຫັນວ່າ: ນັບແຕ່ເດືອນມັງກອນຫາເດືອນມິຖຸນາປີ 2021 ນີ້, ຈີນໄດ້ນຳໃຊ້ສາມາດດຶງດູດການລົງທຶນຕົວຈິງຂອງຕ່າງປະເທດໄດ້ 607，84 ຕື້ຢວນ, ເພີ່ມຂຶ້ນ 28，7% ເມື່ອທຽບກັບ 6 ເດືອນຕົ້ນປີ 2020, ໄດ້ເພີ່ມຂຶ້ນ 27，1% ເມື່ອທຽບກັບ 6 ເດືອນຕົ້ນປີ 2019. ໃນນັ້ນ, ການລົງທຶນຕົວຈິງຂອງຕ່າງປະເທດໃນຂະແໜງການເຕັກໂນໂລຊີຂັ້ນສູງໄດ້ເພີ່ມຂຶ້ນປະມານ 40%.
ຂໍ້ມູນຍັງສະແດງໃຫ້ເຫັນວ່າ: ເມື່ອເບິ່ງຈາກດ້ານຂະແໜງການແລ້ວ, ຂະແໜງການບໍລິການສາມາດດຶງດູດການລົງທຶນຕົວຈິງຂອງຕ່າງປະເທດໄດ້ 482，77 ຕື້ຢວນ, ເພີ່ມຂຶ້ນ 33，4% ເມື່ອທຽບກັບ 6 ເດືອນຕົ້ນປີ 2020, ຂະແໜງການເຕັກໂນໂລຊີຂັ້ນສູງສາມາດດຶງດູດການລົງທຶນຕົວຈິງຂອງຕ່າງປະເທດເພີ່ມຂຶ້ນ 39，4% ເມື່ອທຽບກັບ 6 ເດືອນຕົ້ນປີ 2020, ໃນນັ້ນຂະແໜງການບໍລິການດ້ານເຕັກໂນໂລຊີຊັ້ນສູງເພີ່ມຂຶ້ນ 42，7%, ຂະແໜງການຜະລິດດ້ວຍເຕັກໂນໂລຊີຂັ້ນສູງໄດ້ເພີ່ມຂຶ້ນ 29，2%, ເຊິ່ງເຮັດໃຫ້ໂຄງປະກອບດ້ານການດຶງດູດການລົງທຶນຂອງຕ່າງປະເທດນັບມື້ນັບສົມບູນກວ່າເກົ່າ.