ວັນທີ 15 ກໍລະກົດນີ້, ທ່ານນາງຮວ້າຊູນຢິງ, ໂຄສົກກະຊວງການຕ່າງປະເທດຈີນແຈ້ງໃຫ້ຮູ້ວ່າ: ໂດຍຕອບສະໜອງຕາມຄຳເຊື້ອເຊີນຂອງທ່ານນາງເຈຊິນດາ ອາເດີນ, ນາຍົກລັດຖະມົນຕີນູແວນເຊລັງ, ທ່ານສີຈິ້ນຜິງ, ປະທານປະເທດຈີນ ຈະເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການການຮ່ວມມືເສດຖະກິດອາຊີປາຊິຟິກ ຫຼື ເອເປັກ ຜ່ານທາງວີດີໂອຢູ່ທີ່ນະຄອນຫຼວງປັກກິ່ງຂອງຈີນໃນວັນທີ 16 ກໍລະກົດນີ້.
ກອງປະຊຸມຄັ້ງນີ້ແມ່ນລິເລີ່ມຈັດຂຶ້ນໂດຍປະເທດນູແວນເຊລັງ ເຊິ່ງເປັນປະເທດເຈົ້າພາບຈັດກອງປະຊຸມເອເປັກໃນປີນີ້. ຫົວຂໍ້ຂອງກອງປະຊຸມຄັ້ງນີ້ຄື “ພາຍໃຕ້ສະພາບການແຜ່ລະບາດຂອງພະຍາດໂຄວິດ-19, ພາກພື້ນອາຊີປາຊິຟິກຈະເຮັດແນວໃດຈຶ່ງຈະສາມາດສ້າງໂອກາດ ເພື່ອຮ່ວມມືກັນຮັບມືກັບວິກິດການດ້ານສາທາລະນະສຸກ, ເລັ່ງການຟື້ນຟູເສດຖະກິດໃຫ້ໄວຂຶ້ນ ແລະສ້າງພື້ນຖານທີ່ດີກວ່າເກົ່າໃຫ້ແກ່ການພັດທະນາໃນອະນາຄົດ”.