ການອະນຸລັກປາທີ່ຫາຍາກໃນລະບົບແມ່ນ້ຳຈູຈ່ຽງ, ພວກເຂົ້າຍຶດໝັ້ນມາເປັນເວລາເກືອບ 10 ປີແລ້ວ

"ສະຖານທີ່ອະນຸລັກປາຫາຍາກໃນລະບົບແມ່ນ້ຳຈູຈ່ຽງແຂວງຢຸນນານ" ຕັ້ງຢູ່ຕາແສງຫຼູ້ປູ້ເກີ ເມືອງຫຼົວພິງ ນະຄອນສຸຍຈິງ ແຂວງຢຸນນານ, ພະນັກງານຄົ້ນຄວ້າກຸ່ມໜຶ່ງໄດ້ປະຈຳການຢູ່ທີ່ນີ້ເປັນເວລາດົນນານ, ພວກເຂົາກຳລັງເຮັດການລ້ຽງ ແລະ ແພ່ພັນປາທຳມະຊາດທີ່ຫາຍາກ, ເພື່ອຊ່ວຍປົກປັກຮັກສາຊີວະນາໆພັນຂອງລະບົບແມ່ນ້ຳຈູຈ່ຽງ.

ໃນປີ 2012, ທ່ານ ຫຼົວຊິງ ແລະ ທີມງານຂອງລາວເລີ່ມການລ້ຽງ ປາອານເຊີຊູນຫຼີນ (Dark lips mud carp), ໃນປີ 2016, ທີມງານໄດ້ປະສົບຜົນສຳເລັດໃນການປະສົມພັນທຽມ. ຕໍ່ມາ, ທ່ານ ຫຼົວຊິງ ແລະທີມງານຂອງລາວໄດ້ປະສົບຜົນສຳເລັດໃນການລ້ຽງ ແລະ ແພ່ພັນປາຫຼາຍໆຊະນິດທີ່ເປັນເອກະລັກສະເພາະຂອງລະບົບ ແມ່ນ້ຳຈູຈ່ຽງ. ມາຮອດປັດຈຸບັນ,ປາ 15 ແນວພັນໄດ້ລ້ຽງພາຍໃນປະເທດຢ່າງສຳເລັດຜົນແລະປາ 5 ແນວພັນໄດ້ຮັບການປະສົມພັນທຽມຢ່າງສຳເລັດຜົນ.

ຜ່ານຄວາມພາກພຽນ ໃນການເຮັດວຽກເກືອບ 10 ປີ, ສະຖານທີ່ແຫ່ງນີ້ໄດ້ສະໜອງໄຂ່ປາຫຼາຍກ່ວາ 600,000 ໂຕສຳ ລັບການສືບພັນ ແລະ ປ່ອຍຢູ່ເທິງເຂດຂອງແມ່ນ້ຳຈູຈ່ຽງ. ປາຈຳນວນກ່ວາ 1 ລ້ານໂຕໄດ້ສະໜອງໃຫ້ແກ່ນິຄົມລ້ຽງປາຕ່າງໆ.

ມາຈາກ ສຳນັກຂ່າວຊິນຮວາຂອງຈີນ

ນັກຂ່າວ ນຽນຊີນຫົງ ຈ້ຽວພູຝັນ