ໂຮງໄຟຟ້ານ້ຳຕົກປາຍເຮີ້ຖ່ານເລີ່ມຜະລິດໄຟຟ້າຢ່າງເປັນທາງການ
ມາຮອດວັນທີ 17 ກໍລະກົດນີ້ ເຄື່ອງຈັກຜະລິດໄຟຟ້າທີ່ມີຄວາມສາມາດລ້ານກິໂລວັດເຄື່ອງທີ 3 ຂອງໂຮງໄຟຟ້ານ້ຳຕົກປາຍເຮີ້ຖ່ານປະເທດຈີນ ໄດ້ຜ່ານຜ່າການທົດລອງຜະລິດໄຟຟ້າເປັນເວລາ 72 ຊົ່ວໂມງຢ່າງສະດວກ ແລ້ວຈະເລີ່ມຜະລິດໄຟຟ້າຢ່າງເປັນທາງການ.
ໂຮງໄຟຟ້ານ້ຳຕົກປາຍເຮີ້ຖ່ານ ຕັ້ງຢູ່ລຳແມ່ນ້ຳຈິ່ນຊ່າ ທີ່ຢູ່ເຂດແດນລະຫວ່າງແຂວງເສສວນ ແລະ ແຂວງຢູນນານ, ມີຄວາມສາມາດຜະລິດໄຟຟ້າທັງໝົດ 16 ລ້ານກິໂລວັດ ໂດຍຈະຕິດຕັ້ງເຄື່ອງຜະລິດໄຟຟ້ານ້ຳຕົກທີ່ມີຄວາມສາມາດຜະລິດໄຟຟ້າລ້ານກິໂລວັດ ທີ່ເປັນເຄື່ອງຈັກເຄື່ອງດຽວທີ່ມີຄວາມສາມາດການຜະລິດໄຟຟ້າຫຼາຍທີ່ສຸດໃນໂລກ ເຊິ່ງຄົ້ນຄວ້າຜະລິດໂດຍຈີນນັ້ນລວມທັງໝົດ 16 ເຄື່ອງ.
ປັດຈຸບັນ ຢູ່ໂຮງໄຟຟ້ານ້ຳຕົກປາຍເຮີ້ຖ່ານ ມີເຄື່ອງຈັກ 3 ເຄື່ອງໄດ້ຜະລິດໄຟຟ້າແລ້ວ, ເຄື່ອງຈັກຜະລິດໄຟຟ້າທີ່ຍັງບໍ່ທັນຕິດຕັ້ງນັ້ນ ຈະຖືກຕິດຕັ້ງແລະເລີ່ມຜະລິດໄຟຟ້າທັງໝົດໃນເດືອນກໍລະກົດປີ 2022. ເມື່ອຮອດເວລານັ້ນ, ໂຮງໄຟຟ້າແຫ່ງນີ້ ຈະກາຍເປັນໂຮງໄຟຟ້ານ້ຳຕົກໃຫຍ່ອັນດັບ 2 ຂອງໂລກ ເຊິ່ງຖັດຈາກໂຮງໄຟຟ້ານ້ຳຕົກສາມຮ່ອມພູເທົ່ານັ້ນ, ສະເລ່ຍແລ້ວ ຈະຜະລິດໄຟຟ້າຫຼາຍກວ່າ 62 ຕື້ກິໂລວັດໂມງຕໍ່ປີ.
