ຕາມຂ່າວCRI: ວັນທີ 22 ກໍລະກົດນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຊີ້ໃຫ້ເຫັນຢູ່ໃນກອງປະຊຸມຂ່າວວ່າ, ໃນບັນຫາການຊອກຫາແຫຼ່ງກຳເນີດຊອງເຊື້ອພະຍາດໂຄວິດ-19 , ມີຄົນອາເມຣິກາຈຳນວນໜຶ່ງອາດມີຄວາມລັບທີ່ບໍ່ຢາກເປີດເຜີຍ.
ຕາມການລາຍງານຂ່າວຈາກໜັງສືພິມ “ໄຟນານໂຊແທມສ໌” ຂອງອັງກິດໄດ້ລະບຸວ່າ: ນັກຄົ້ນຄວ້າຂອງຫ້ອງທົດລອງອີຕາລີສອງແຫ່ງໄດ້ກ່າວໃນຫວ່າງກ່ອນນີ້ບໍ່ດົນວ່າ: ໃນຕົວຢ່າງເລືອດທີ່ໄດ້ເກັບເອົາໃນເດືອນຕຸລາປີ 2019 ແລ້ວນີ້ໄດ້ພົບເຫນສານຕ້ານທານທີ່ມັກຈະພົບເຫັນໄດ້ຕິດເຊື້ອພະຍາດໂຄວິດ-19 ແລ້ວ.
ທ່ານຈ້າວລີ້ຈ່ຽນກ່າວເນັ້ນວ່າ, ໃນໄລຍະຜ່ານມານີ້, ປະຊາຄົມໂລກໄດ້ມີການລາຍງານຂ່າວທີ່ນັບມື້ນັບຫຼາຍກວ່າເກົ່າກ່ຽວກັບການພົບເຫັນກໍລະນີຕິດເຊື້ອພະຍາດໂຄວິດ-19 ຢູ່ຫຼາຍແຫ່ງຂອງໂລກໃນ 6 ເດືອນທ້າຍປີ 2019, ພຽງແຕ່ຢູ່ອາເມຣິກາກໍມີສະພາບການຕິດເຊື້ອພະຍາດໂຄວິດ-19 ຢູ່ 5 ລັດກ່ອນການລາຍງານຜູ້ຖືກບົ່ງມະຕິເປັນພະຍາດກໍລະນີທຳອິດຢູ່ອາເມຣິກາ. ເຊິ່ງສະແດງໃຫ້ເຫັນອີກເທື່ອໜຶ່ງວ່າ, ການຊອກຫາແຫຼ່ງກຳເນີດຂອງເຊື້ອພະຍາດໂຄວິດ-19 ແມ່ນບັນຫາທາງວິທະຍາສາດທີ່ສະຫຼັບສັບຊ້ອນ, ຄວນມອບໃຫ້ແກ່ນັກວິທະຍາສາດທົ່ວໂລກເພື່ອຮ່ວມມືກັນດຳເນີນ. ແຕ່ວ່າສິ່ງທີ່ຄົນທັງຫຼາຍໄດ້ເຫັນແມ່ນ, ມີບາງຄົນຢູ່ອາເມຣິກາບໍ່ໃຫ້ຄວາມສົນໃຈຕໍ່ວິທະຍາສາດແລະຄວາມເປັນຈິງ, ໂຄສະນາອັນທີ່ວ່າ “ໄວຣັດນັ້ນແມ່ນວອອກມາຈາກຫ້ອງທົດລອງ”, ບາງຄົນຢູ່ອາເມຣິກາໄດ້ຖືເອົາບັນຫາການເມືອງເໜືອກວ່າວິທະຍາສາດ, ຖືເອົາຜົນປະໂຫຍດສ່ວນຕົວດ້ານການເມືອງເໜືອກວ່າສຸຂະພາບແລະຊີວິດຂອງປະຊາຊົນ, ເຊິ່ງກໍ່ເປັນສາເຫດຕົ້ນຕໍທີ່ເຮັດໃຫ້ການຕ້ານກັບພະຍາດຢູ່ອາເມຣິກາບໍ່ປະສົບຜົນສຳເລັດ.