ທ່ານສີຈິ້ນຜິງສຳຫຼວດກວດກາວຽກງານຢູ່ນະຄອນລິນຈື່ເຂດຕິເບດ
ວັນທີ 21 ກໍລະກົດນີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປສຳຫຼວດກວດກາວຽກງານຢູ່ເຂດປົກຄອງຕົນເອງຕິເບດ. ໃນເວລາທ່ານເດີນທາງໄປເຖິງສະໜາມບິນນະຄອນລິນຈື່ໃນຕອນເຊົ້າມື້ດຽວກັນ, ທ່ານສີຈິ້ນຜິງໄດ້ຮັບການຕ້ອນຮັບຢ່າງອົບອຸ່ນຈາກພະນັກງານແລະປະຊາຊົນບັນດາເຜົ່າຢູ່ເຂດຕິເບດ. ຈາກນັ້ນ, ທ່ານໄດ້ເດີນທາງໄປເຖິງຂົວແມ່ນ້ຳນີຢາງເພື່ອຮັບຮູ້ສະພາບການກ່ຽວກັບການອະນຸລັກສິ່ງແວດລ້ອມນິເວດຂອງເຂດລ້ອງແມ່ນ້ຳຢາລູຈ້າງປູ້ກໍຄືແມ່ນ້ຳນີຢາງ ແລະສະພາບອື່ນໆ.
ເຂດອະນຸລັກສິ່ງແວດລ້ອມນິເວດຍອດນ້ຳຢາລູຈ້າງປູ້ໄດ້ຮັບການຈັດເຂົ້າໃນໂຄງການຈຸດສຸມໃນການສ້າງເຂດອະນຸລັກສິ່ງແວດລ້ອມນິເວດລະດັບຊາດຊຸດທີສອງໃນປີ2001, ໂດຍໄດ້ສ້າງເຂດສະຫງວນທຳມະຊາດທັງໝົດ 24 ແຫ່ງ, ກວມເນື້ອທີ່ທັງໝົດ 103.500 ກິໂລຕາແມັດ, ໄດ້ສ້າງສວນສາທາລະນະດິນທາມແຫ່ງຊາດ 12 ແຫ່ງ.
ຕອນບ່າຍວັນທີ 21 ກໍລະກົດນີ້, ທ່ານສີຈິ້ນຜິງຍັງໄດ້ເດີນທາງໄປຫໍວາງສະແດງຜັງເມືອງນະຄອນລິນຈື່, ບ້ານກາລາຕາແສງລິນຈື່ເມືອງປ່າຢີ ແລະສວນສາທາລະນະກົ່ງປູ້, ເພື່ອສຳຫຼວດກວດກາວຽກງານຜັງເມືອງແລະການພັດທະນາຕົວເມືອງ, ການພັດທະນຊົນນະບົດ, ການກໍ່ສ້າງສວນສາທາລະນະໃນຕົວເມືອງແລະອື່ນໆ. ຕອນເຊົ້າວັນທີ 22 ກໍລະກົດນີ້, ທ່ານສີຈິ້ນຜິງໄດ້ເດີນທາງໄປເຖິງສະຖານີລົດໄຟລິນຈື່ເພື່ອຮັບຮູ້ແຜນແມ່ບົດກ່ຽວກັບທາງລົດໄຟເສສວນ-ຕິເບດກໍຄືສະພາບການກໍ່ສ້າງແລະດຳເນີນທຸລະກິດຂອງທາງລົດໄຟຕອນລາຊາ-ລິນຈື່ເປັນຕົ້ນ. ຫຼັງຈາກນັ້ນ, ທ່ານໄດ້ເດີນທາງໄປນະຄອນລາຊາ ເທດສະບານເຂດປົກຄອງຕົນເອງຕິເບດດ້ວຍລົດໄຟ ເພື່ອສຳຫຼວດກວດເບິ່ງສະພາບການກໍ່ສ້າງລຽບຕາມທາງລົດໄຟລາຊາ-ລິນຈື ທັງໄດ້ລົງເລິກຄົ້ນຄວ້າບັນຫາທີ່ກ່ຽວຂ້ອງ.
ທ່ານສີຈິ້ນຜິງໄປຢ້ຽມຢາມບ້ານກາລາຕາແສງລິນຈື່ເມືອງປ່າຢີ
ທ່ານສີຈິ້ນຜິງໄປຢ້ຽມຢາມບ້ານກາລາຕາແສງລິນຈື່ເມືອງປ່າຢີ
ທ່ານສີຈິ້ນຜິງໄດ້ຮັບຮູ້ແຜນແມ່ບົດກ່ຽວກັບທາງລົດໄຟເສສວນ-ຕິເບດກໍຄືສະພາບການກໍ່ສ້າງແລະດຳເນີນທຸລະກິດຂອງທາງລົດໄຟຕອນລາຊາ-ລິນຈື່
ທ່ານສີຈິ້ນຜິງໄດ້ເດີນທາງໄປນະຄອນລາຊາ ເທດສະບານເຂດປົກຄອງຕົນເອງຕິເບດດ້ວຍລົດໄຟ ເພື່ອສຳຫຼວດກວດເບິ່ງສະພາບການກໍ່ສ້າງລຽບຕາມທາງລົດໄຟລາຊາ-ລິນຈື ທັງໄດ້ລົງເລິກຄົ້ນຄວ້າບັນຫາທີ່ກ່ຽວຂ້ອງ.