ວັນທີ 25 ກໍລະກົດນີ້, ໂດຍອີງຕາມມາດຕະຖານທີ່ກຳນົດໄວ້ໃນ “ຄຳຊີ້ນຳໃນການປະຕິບັດສົນທິສັນຍາມໍລະດົກໂລກທາງວັດທະນະທຳ ແລະ ທາງທຳມະຊາດ”, ຄະນະກຳມະການມໍລະດົກໂລກຈິ່ງໄດ້ຕົກລົງຈັດເອົາ “ສວນໂຈ່ວ-ສູນການຄ້າທາງທະເລຂອງໂລກໃນສະໄໝລາຊະວົງຊົ້ງແລະລາຊະວົງຢວນຂອງຈີນ” ທີ່ສະເໜີໂດຍຈີນ ເຂົ້າໃນ “ບັນຊີລາຍຊື່ມໍລະດົກໂລກ”. ໄດ້ເຮັດໃຫ້ຈຳນວນມໍລະດົກໂລກຂອງຈີນເພີ່ມຂຶ້ນເປັນ 56 ແຫ່ງແລ້ວ.
ມະຕິກອງປະຊຸມລະບຸວ່າ: “ສວນໂຈ່ວ-ສູນການຄ້າທາງທະເລຂອງໂລກໃນສະໄໝລາຊະວົງຊົ້ງແລະລາຊະວົງຢວນຂອງຈີນ” ໄດ້ສ່ອງແສງໃຫ້ເຫັນເຖິງສະພາບຂອງເມືອງທ່າກຳປັ່ນທີ່ມີເອກະລັກພິເສດ ແລະ ພົ້ນເດັ່ນໃນໄລຍະປະຫວັດສາດທີ່ແນ່ນອນ, ມໍລະດົກ 22 ຈຸດໃນນະຄອນສວນໂຈ່ວໄດ້ກວມຫຼາຍປັດໄຈທາງວັດທະນະທຳທີ່ສຳຄັນ ເຊັ່ນ: ໂຄງປະກອບໃນສັງຄົມ, ລະບົບບໍລິຫານ, ຄົມມະນາຄົມ, ການຜະລິດ ແລະ ການຄ້າ ເຊິ່ງໄດ້ເປັນແຮງຂັບເຄື່ອນທີ່ຊຸກຍູ້ໃຫ້ນະຄອນສວນໂຈ່ວຈະເລີນຮຸ່ງເຮືອງ ແລະ ພັດທະນາໄດ້ຢ່າງວ່ອງໄວມາແຕ່ສະຕະວັດທີ 10 ຫາສະຕະວັດທີ 14, ກາຍເປັນສູນກາງທາງທະເລໃນເຄືອຂ່າຍການຄ້າຂອງອາຊີຕາເວັນອອກ ແລະ ອາຊີຕາເວັນອອກສຽງໃຕ້, ໄດ້ປະກອບສ່ວນອັນໃຫຍ່ຫຼວງຕໍ່ການພັດທະນາເສດຖະກິດແລະວັດທະນະທຳອາຊີຕາເວັນອອກ ແລະ ອາຊີຕາເວັນອອກສຽງໃຕ້.