ຕາມຂ່າວ CRI: ເນື່ອງໃນໂອກາດວັນທີ 1 ສິງຫາຫຼືວັນສ້າງຕັ້ງກອງທັບປົດປ່ອຍປະຊາຊົນຈີນໄດ້ວຽນມາເຖິງ, ກົມການເມືອງສູນກາງພັກກອມມູນິດຈີນໄດ້ຈັດການຮ່ຳຮຽນລວມໝູ່ຄັ້ງທີ 32 ກ່ຽວກັບການຍຶດໝັ້ນການນຳພາຂອງພັກທີ່ມີຕໍ່ກອງທັບປະຊາຊົນຢ່າງເດັດຂາດ, ພະຍາຍາມບັນລຸເປົ້າໝາຍສູ້ຊົນການສ້າງຕັ້ງກອງທັບປົດປ່ອຍປະຊາຊົນຈີນຄົບຮອບ 100 ປີ. ທ່ານສີຈິ້ນຜີງ, ເລຂາທິການໃຫຍ່ສູນກາງພັກກອມມູນິດຈີນໄດ້ກ່າວເນັ້ນໃນເວລາເປັນປະທານການຮ່ຳຮຽນວ່າ, ການບັນລຸເປົ້າໝາຍສູ້ຊົນການສ້າງຕັ້ງກອງທັບປົດປ່ອຍປະຊາຊົນຈີນຄົບຮອບ 100 ປີ, ແມ່ນການຕັດສິນທີ່ສຳຄັນແມ່ນໜ້າທີ່ສຳຄັນຂອງສູນກາງພັກແລະຄະນະກຳມະການການທະຫານສູນກາງໃນການປະຕິບັດຕາມຄວາມຮຽກຮ້ອງຕ້ອງການຂອງຍຸກສະໄໝດ້ານການສ້າງປະເທດແລະກອງທັບໃຫ້ເຂັ້ມແຂງກວ່າເກົ່າ, ກ່ຽວພັນເຖິງຄວາມໝັ້ນຄົງແລະການພັດທະນາແຫ່ງຊາດ, ແມ່ນບາດກ້າວສຳຄັນທີ່ສຸດໃນ “ສາມບາດກ້າວ” ໃໝ່ຂອງການສ້າງການປ້ອງກັນປະເທດແລະກອງທັບໃຫ້ທັນສະໄໝ. ຕ້ອງຍຶດໝັ້ນຄວາມຕັດສິນໃຈ, ເພີ່ມສະຕິຄວາມຂ້ຽວຂາດ, ເຮັດແທ້ທຳຈິງ, ຮັບປະກັນໃຫ້ບັນລຸເປົ້າໝາຍທີ່ກຳນົດໄວ້ຕາມເວລາກຳນົດ.
ກ່ອນອື່ນ, ທ່ານສີຈິ້ນຜີງໄດ້ຕາງໜ້າສູນກາງພັກແລະຄະນະກຳມະການການທະຫານສູນກາງສະແດງຄວາມອວຍພອນໃນວັນບຸນຕໍ່ນາຍແລະທະຫານຂອງກອງທັບປົດປ່ອຍປະຊາຊົນຈີນ, ນາຍແລະທະຫານຂອງກອງຕຳຫຼວດປະກອບອາວຸດ, ພະນັກງານສີລະປະວັດທະນະທຳໃນກອງທັບແລະທະຫານກອງຫຼອນທັງມົດ.