ງານວາງສະເເດງສິນຄ້າອາຊີໃຕ້-ອາຊີຕາເວັນອອກສຽງໃຕ້ ເເລະ ກອງປະຊຸມປຶກສາຫາລືດ້ານການຄ້າການລົງທຶນປີ 2021 ຈະເປີດຂຶ້ນໃນວັນທີ 25 ຫາ 29 ເດືອນສິງຫາ, ງານວາງສະແດງໃນຄັ້ງນີ້ມີຫົວຂໍ້ “ ໂອກາດໃໝ່, ການພັດທະນາໃໝ່”, ຈະນຳໃຊ້ວິທີການ “ຕົວຈິງ + ເຄືອຂ່າຍອິນເຕີເນັດ” ໃນການຈັດງານ , ແລະ ງານວາງສະແດງຈະຈັດຂຶ້ນເປັນເວລາ 5 ມື້.
ງານວາງສະແດງຄັ້ງນີ້ຈະຖືເອົາໂອກາດຂອງການສ້າງທາງລົດໄຟລາວ-ຈີນ ທີ່ຈະສໍາເລັດໃນໄວໆນີ້, ສະແດງໃຫ້ເຫັນເຖິງລັກສະນະພິເສດຂອງ "ຕາມຊາຍແດນ" ແລະ "ການຂ້າມຊາຍແດນ", ແລະ ສືບຕໍ່ສົ່ງເສີມການຮ່ວມມືກັບ ອາຊີໃຕ້ ແລະ ອາຊີຕາເວັນອອກສ່ຽງໃຕ້.
ງານວາງສະແດງນີ້ຈະເປີດກອງປະຊຸມປຶກສາຫາລືເຈົ້າແຂວງ GMS ປີ 2021, ກອງປະຊຸມປຶກສາຫາລືການຮ່ວມມືຈີນ-ອາຊີໃຕ້ຄັ້ງທີ 3 ແລະ ກອງປະຊຸມປຶກສາຫາລືອື່ນໆ.
ເນື້ອທີ່ວາງສະແດງທັງໝົດຂອງງານວາງສະແດງນີ້ແມ່ນກວມເອົາເນື້ອທີ່ປະມານ 64.000 ຕາແມັດໃນຫໍວາງສະແດງເມືອງຄຸນໝິງ, ເຊິ່ງເທົ່າກັບ 3.000 ຮ້ານວາງສະແດງມາດຕະຖານ. ສະຖານທີ່ຕົ້ນຕໍຂອງງານວາງສະແດງນີ້ແມ່ນຢູ່ທີ່ສູນວາງສະແດງສາກົນຄຸນໝິງ, ຈະມີ 7 ຫໍວາງສະແດງຄື, ຫໍວາງສະແດງພະລັງງານສີຂຽວ, ຫໍວາງສະແດງອາຫານສີຂຽວ, ຫໍວາງສະແດງຊີວິດທີ່ມີສຸຂະພາບດີ, ຫໍວາງສະແດງເມືອງ ແລະ ແຂວງພາຍໃນປະເທດຈີນ, ຫໍວາງສະແດງຕ່າງປະເທດ, ຫໍວາງສະແດງການຮ່ວມມືດ້ານການລົງທຶນ, ແລະ ຫ້ອງປະຊຸມໃຫຍ່ສຳລັບພິທີເປີດ ແລະ ຫ້ອງຈັດກິດຈະກຳໃນລະຫວ່າງການປະຊຸມ. ຈັດຕັ້ງສະຖານທີ່ຈັດງານວາງສະແດງແຍກຢູ່ໃນຫໍເລກ 14 ແລະ 15 ຂອງສູນວາງສະແດງສາກົນຕ່ຽນສື ນະຄອນຄຸນໝິງ, ເຊິ່ງຈະຕັ້ງຫ້ອງວາງສະແດງອອນໄລສໍາລັບການຜະລິດຂັ້ນສູງ ແລະ ຂະແໜງການວັດສະດຸໃໝ່.
ງານວາງສະແດງຄັ້ງນີ້ຈະປະຕິບັດວຽກງານການປ້ອງກັນ ແລະ ຄວບຄຸມການລະບາດໃຫ້ດີທີ່ສຸດ.