ວັນທີ 30 ກໍລະກົດ2021ຜ່ານມາ, ຄະນະຈັດງານກິລາໂອລິມປິກລະດູໜາວປັກກິ່ງໄດ້ຈັດງານຖະແຫຼງຂ່າວກ່ຽວກັບການກໍ່ສ້າງເດີ່ນກິລາ, ເພື່ອແນະນຳສະພາບລວມຂອງເດີ່ນກິລາໂອລິມປິກລະດູໜາວແລະວາງແຜນວຽກໃນຂັ້ນຕອນຕໍ່ໄປ,ພ້ອມວາງແຜນປ້ອງກັນພະຍາດ “ໜຶ່ງຫໍ,ໜຶ່ງມາດຕະການ”
ງານກິລາໂອລິມປິກລະດູໜາວແລະງານກິລາໂອລິມປິກລະດູໜາວຄົນພິການປັກກິ່ງປີ 2022 ຈະນຳໃຊ້ຫໍໂຮງ(ສະຖານທີ່)ຕ່າງໆທັງໝົດ 39 ແຫ່ງ, ລວມທັງເດີ່ນແຂ່ງຂັນກິລາ12 ແຫ່ງ, ເດີ່ນຝຶກຊ້ອມ3ແຫ່ງ, ແລະບ່ອນທີ່ບໍ່ຮັບໃຊ້ໃນການແຂ່ງຂັນ 24 ແຫ່ງ.ສຳລັບສິ່ງກໍ່ສ້າງຄົງທີ່ຂອງເດີ່ນແຂ່ງຂັນໄດ້ສຳເລັດແລ້ວ,ແລະຫໍໂຮງທີ່ບໍ່ແມ່ນບ່ອນແຂ່ງຂັນ ສ່ວນໃຫຍ່ກໍ່ໄດ້ສຳເລັດແລ້ວແລະບາງບ່ອນກໍໃກ້ຈະສຳເລັດ100%.
ປັດຈຸບັນ, ຄະນະຈັດງານກິລາໂອລິມປິກລະດູໜາວປັກກິ່ງກຳລັງຕິດຕາມ,ກວດກາຄືນມາດຕະການຂອງໂຕກຽວທີ່ໃຊ້ເພື່ອປ້ອງກັນໂຄວິດ, ແລະຈະຖອດຖອນບົດຮຽນຈາກກິລາໂອລິມປິກໂຕກຽວ ແລ້ວສົມທົບກັບມາດຕະການປ້ອງກັນແລະຄວບຄຸມໂຄວິດຂອງນະຄອນຫຼວງປັກກິ່ງ, ເພື່ອວາງແຜນການປ້ອງກັນພະຍາດຕາມສະພາບການຂອງແຕ່ລະຫໍໂຮງແລະເດີ່ນກິລາ, ພ້ອມກັນນັ້ນຈະເພີ່ມມາດຕະການຊົ່ວຄາວເຊັ່ນ: ສ້າງທາງແຍກປ່ຽວ, ຫ້ອງນ້ຳຊົ່ວຄາວ, ກຽມບ່ອນກັກບໍລິເວນສຸກເສີນຫຼືມີຈຸດກັກໂຕຊົ່ວຄາວ ແລະອື່ນໆ.