ແມ່ນຫຍັງທີ່ຖືກປິດບັງຢູ່ໃນ Fort Detrick?

ມໍ່ໆມານີ້ ປະຊາຄົມສາກົນໄດ້ຮຽກຮ້ອງໃຫ້ດໍາເນີນການສໍາຫຼວດຢ່າງລະອຽດຕໍ່ Fort Detrick ຂອງອາເມລິກາ, ທົ່ວໂລກກໍຢາກຮູ້ວ່າແມ່ນຫຍັງທີ່ຖືກປິດບັງຢູ່ໃນ Fort Detrick.

Fort Detric ແມ່ນຖານທີ່ໝັ້ນດ້ານອາວຸດຊີວະເຄມີຂອງອາເມລິກາ. ໃນວັນທີ 5 ສິງຫາ 2019, ໜັງສືພິມ New York Times ໄດ້ລາຍງານວ່າ ອາເມລິກາສັ່ງປິດສະຖາບັນຄົ້ນຄວ້າແພດສາດພະຍາດລະບາດຂອງກອງທັບບົກຢ່າງກະທັນຫັນ ຍ້ອນເຫດຜົນວ່າ “ບໍ່ມີລະບົບທີ່ມີປະສິດທິພາບຢ່າງພຽງພໍມາກຳຈັດນໍ້າເສດເຫຼືອທີ່ອອກຈາກຫ້ອງທົດລອງທີ່ມີລະດັບຄວາມປອດໄພສູງສຸດນີ້”, ຫ້ອງທົດລອງທີ່ຖືກປິດນີ້ໄດ້ດໍາເນີນການຄົ້ນຄວ້າທີ່ພົວພັນກ່ຽວກັບວັດຖຸທີ່ເປັນພິດ ທີ່ “ເປັນໄພຂົ່ມຂູ່ອັນຮ້າຍແຮງຕໍ່ສຸຂະພາບຂອງປະຊາຊົນ ສັດ ພືດ ຫຼື ຜະລິດຕະພັນສັດ ແລະ ພືດ”. ແຕ່ວ່າສູນຄວບຄຸມ ແລະ ປ້ອງກັນພະຍາດຂອງອາເມລິກາປະຕິເສດທີ່ຈະຖະແຫຼງເຫດຜົນຂອງຂໍ້ຕົກລົງດັ່ງກ່າວ ຍ້ອນ“ມັນພົວພັນເຖິງຄວາມໝັ້ນຄົງຂອງປະເທດ”.

ໃນເວລາດຽວກັນ, ພະຍາດທີ່ກ່ຽວຂ້ອງກັບລະບົບຫາຍໃຈແບບບໍ່ຮູ້ສາເຫດໄດ້ເກີດຂຶ້ນຢູ່ໃກ້ກັບ Fort Detrick, ຄົນເຈັບມີອາການຫາຍໃຈຍາກ, ເປັນໄອ, ເປັນໄຂ້ໜັກ ແລະ ມີອາການທົ່ວໄປຂອງການເປັນໄຂ້ຫວັດໃຫຍ່ ເຊິ່ງອາການດັ່ງກ່າວຄ້າຍຄືກັນກັບອາການຂອງພະຍາດໂຄວິດ-19. ອີງຕາມຂໍ້ມູນຈາກສູນຄວບຄຸມ ແລະ ປ້ອງກັນພະຍາດຂອງອາເມລິກາທີ່ປະກາດໃນທ້າຍເດືອນກຸມພາ 2020, ແຕ່ປີ 2019 ຫາປີ 2020 ປະຊາຊົນ 18.000 ຄົນໄດ້ເສຍຊີວິດຍ້ອນພະຍາດທີ່ກ່ຽວກັບໄຂ້ຫວັດໃຫຍ່. ໃນເດືອນມີນາ 2020, ຜູ້ອໍານວຍການຂອງສູນຄວບຄຸມ ແລະ ປ້ອງກັນພະຍາດຂອງອາເມລິກາໄດ້ຍອມຮັບຢ່າງເປີດເຜີຍວ່າ ເມື່ອພິສູດສົບຂອງຜູ້ທີ່ພວກເຮົາຄິດວ່າເສຍຊີວິດຍ້ອນໄຂ້ຫວັດໃຫຍ່ ໄດ້ກວດພົບວ່າບາງຄົນໄດ້ຕິດເຊື້ອພະຍາດໂຄວິດ-19.

ສະນັ້ນ ຊາວເນັດອາເມລິກາກໍຄືປະເທດຈໍານວນບໍ່ໜ້ອຍໃນໂລກ ໄດ້ຮຽກຮ້ອງໃຫ້ດໍາເນີນການສໍາຫຼວດຢ່າງລະອຽດຕໍ່ Fort Detrick, ເວັບໄຊ ສື່ມວນຊົນເສລີ ຂອງລັດເຊຍໄດ້ອອກບົດຄວາມໜຶ່ງທີ່ມີຫົວຂໍ້ວ່າ “ແຫຼ່ງກໍາເນີດຂອງພະຍາດໂຄວິດ-19 — Fort Detrick ຂອງອາເມລິກາ?”. ແຕ່ຕໍ່ກັບສຽງຮຽກຮ້ອງຂອງປະຊາຊົນໃນທົ່ວໂລກ ລັດຖະບານອາເມລິກາປະຕິເສດການສໍາຫຼວດຕໍ່ Fort Detrick ໂດຍເອົາ “ໄພຂົ່ມຂູ່ຕໍ່ຄວາມໝັ້ນຄົງຂອງຊາດ” ມາເປັນຂໍ້ອ້າງຢູ່ສະເໝີ.