ອີງຕາມຂ່າວຈາກອຳນາດການປົກຄອງແຂວງເຫີນານ ມາຮອດເວລາ 12 ໂມງຂອງວັນທີ 2 ເດືອນສິງຫານີ້, ໄພພິບັດຈາກຝົນຕົກໜັກໄດ້ເຮັດໃຫ້ແຂວງເຫີນານ ເຊິ່ງເປັນແຂວງໜຶ່ງໃນພາກກາງຂອງຈີນ ມີຜູ້ເສຍຊີວິດ 302 ຄົນ ແລະ ສູນຫາຍ 50 ຄົນ ເຊິ່ງສ່ວນໃຫຍ່ມາຈາກນະຄອນ ເຈີ້ງໂຈວ.
ຄະນະລັດຖະບານຈີນໄດ້ຈັດຕັ້ງທີມສໍາຫຼວດເພື່ອດໍາເນີນການສຳຫຼວດ ແລະ ການປະເມີນ ສະຫຼຸບປະສົບການ ແລະ ບົດຮຽນໃນດ້ານການຮັບມືກັບໄພພິບັດ, ສະເໜີມາດຕະການເພື່ອສະກັດກັ້ນ ແລະ ຫຼຸດຜ່ອນໄພພິບັດ, ນອກຈາກນີ້ ທີມດັ່ງກ່າວຍັງຈະດໍາເນີນການສືບຫາຄວາມຮັບຜິດຊອບຕໍ່ພຶດຕິກຳທີ່ລະເລີຍຕໍ່ໜ້າທີ່ ໂດຍອີງຕາມກົດໝາຍ ແລະ ລະບຽບ.