ເພື່ອຕອບສະໜອງຢ່າງຈິງຈັງຕໍ່ກັບບັນຫາປະຊາກອນຜູ້ສູງອາຍຸ, ປັບປຸງນະໂຍບາຍການເກີດລູກໃຫ້ດີຂຶ້ນອີກກ້າວໜຶ່ງ. ວັນທີ 31 ພຶດສະພາ 2021, ລັດຖະບານຈີນໄດ້ອອກນະໂຍບາຍກ່ຽວກັບ ຄູ່ຜົວເມຍສາມາດມີລູກໄດ້ສາມຄົນ. ປັດຈຸບັນ, ແຂວງເສສວນ, ແຂວງຈຽງຊີ, ນະຄອນຫຼວງປັກກິ່ງ ແລະ ແຂວງອື່ນໄດ້ປະກາດນະໂຍບາຍສະໜັບສະໜູນ ທີ່ກ່ຽວຂ້ອງຢ່າງຕໍ່ເນື່ອງ.
ອີງຕາມລະບຽບຂອງນະຄອນຫຼວງປັກກິ່ງ, ຜູ້ທີ່ເກີດລູກສາມຄົນພາຍຫຼັງວັນທີ 31 ພຶດສະພາ (ລວມ) ຈະອີງຕາມລະບຽບ ແລະ ໄດ້ຮັບມື້ພັກຈາກການເກີດລູກຕາມລະບຽບຂອງລັດ (ໂດຍສະເລ່ຍ 158 ວັນ, ແຕ່ລະແຂວງແຕກຕ່າງກັນ) ,ນອກຈາກນັ້ນ,ແມ່ຈະໄດ້ຮັບມື້ພັກ 30 ມື້, ແລະ ພໍ່ໄດ້ມື້ພັກ 15 ມື້. ພະນັກງານເພດຍິງສາມາດເພີ່ມວັນພັກໄດ້ອີກໜຶ່ງຫາສາມເດືອນ,ໂດຍໄດ້ຮັບຄວາມເຫັນດີຈາກໜ່ວຍ ງານຂອງເຂົາເຈົ້າ.
ເມືອງພ່ານຈີຫົວ ແຂວງເສສວນ ໄດ້ປະກາດວ່າ, ຄອບຄົວທີ່ລົງທະບຽນຢູ່ທີ່ມີລູກສອງຄົນຫຼືຫຼາຍກວ່ານັ້ນ,ອີງຕາມນະໂຍບາຍຈະໃຫ້ເງິນອຸດໜູນລ້ຽງດູເດັກນ້ອຍ 500 ຢວນຕໍ່ເດືອນຕໍ່ເດັກໜຶ່ງຄົນ, ເງິນດັ່ງກ່າວຈະອຸດໜຸນຈົນເດັກນ້ອຍມີອາຍຸໄດ້ 3 ປີ.