ຕາມຂ່າວCRI：ຕາມຕົວເລກດ້ານສາທາລະນະສຸກທີ່ຖືກເຜີຍແຜ່ໂດຍຂ່າວສານຮອຍເຕີໄດ້ໃຫ້ຮູ້ວ່າ, ຜູ້ຕິດເຊື້ອພະຍາດໂຄວິດ-19 ເພີ່ມໃໝ່ແລະຜູ້ເປັນພະຍາດທີ່ນອນປິ່ນປົວຢູ່ໂຮງໝໍຢູ່ອາເມຣິກາໄດ້ເພີ່ມຂຶ້ນຢ່າງຕໍ່ເນື່ອງ, ໄດ້ເຖິງຈຸດສູງສຸດໃນ 6 ເດືອນຜ່ານມານີ້.
ຕາມຕົວເລກສະຖິຕິ, ໃນວັນທີ 9 ສິງຫານີ້ຕາມເວລາທ້ອງຖິ່ນ, ຜູ້ຕິດເຊື້ອພະຍາດໂຄວິດ-19 ຢູ່ທົ່ວປະເທດອາເມຣິກາໄດ້ເພີ່ມຂຶ້ນຫຼາຍກວ່າ 1 ແສນຄົນຕໍ່ມື້ເປັນ 3 ມື້ລຽນຕິດ, ໄດ້ເພີ່ມຂຶ້ນ 35% ເມື່ອທຽບໃສ່ກັບອາທິດທີ່ຜ່ານມາ, ໃນນັ້ນລັດລຸຍເຊຍນາ, ລັດຝໍ່ລຣີດາແລະລັດອາແຄນຊໍມີສະພາບຜູ້ຕິດເຊື້ອພະຍາດເພີ່ມຂຶ້ນຮຸນແຮງທີ່ສຸດ. ໃນຂອບເຂດທົ່ວປະເທດອາເມຣິກາມີຜູ້ເປັນພະຍາດນອນປິ່ນປົວຢູ່ໂຮງໝໍເພີ່ມຂຶ້ນ 40% ໃນອາທິດທີ່ຜ່ານມາ, ອັດຕາການເສຍຊີວິດໄດ້ເພີ່ມຂຶ້ນ 18%.
ນອກນີ້, ໃນຂອບເຂດທົ່ວປະເທດອາເມຣິກາ, ຈຳນວນເດັກນ້ອຍທີ່ເຂົ້າປິ່ນປົວຢູ່ໂຮງໝໍຍ້ອນຕິດພະຍາດໂຄວິດ-19 ກໍກຳລັງເພີ່ມຂຶ້ນ.