ວັນທີ 16 ສິງຫານີ້ ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເປັນປະທານຈັດກອງປະຊຸມປະຈຳຂອງລັດຖະບານ,ໂດຍໄດ້ພິຈາລະນາແລະຮັບຮອງແຜນດຳເນີນງານເພື່ອຊຸກຍູ້ການປະກອບອາຊີບຕາມ“ແຜນພັດທະນາເສດຖະກິດສັງຄົມແຫ່ງຊາດ5ປີຄັ້ງທີ14”,ກຳນົດນະໂຍບາຍການປະກອບອາຊີບຢ່າງຮອບດ້ານໃຫ້ເປັນວຽກບູລິມະສິດ,ຊຸກຍູ້ການເພີ່ມຈຳນວນແລະຄຸນນະພາບຂອງການປະກອບອາຊີບ.
ກອງປະຊຸມໄດ້ຊີ້ອອກວ່າ: ການປະກອບອາຊີບໃນຕົວເມືອງຂອງຈີນໃນໄລຍະຈັດຕັ້ງປະຕິບັດແຜນການ5ປີຄັ້ງທີ14ຍັງມີຄວາມກົດດັນພໍສົມຄວນ,ຕ້ອງສືບຕໍ່ຖືເອົາການປະກອບອາຊີບເປັນວຽກບູລິມະສິດໃນການພັດທະນາເສດຖະກິດສັງຄົມແລະໃນດ້ານນະໂຍບາຍມະຫາພາກ, ຊຸກຍູ້ການປະກອບອາຊີບຢ່າງມີປະສິດທິຜົນສູງ.ເຊິ່ງຕ້ອງໄດ້ຈັດຕັ້ງປະຕິບັດດັ່ງນີ້: ໜຶ່ງ ເພີ່ມທະວີການສະໜັບສະໜູນການປະກອບອາຊີບດ້ວຍນະໂຍບາຍດ້ານການເງິນແລະເງິນຕາ; ສອງ ເພີ່ມທະວີການປະກອບອາຊີບດ້ວຍການສ້າງທຸລະກິດ; ສາມ ຊຸກຍູ້ການພັດທະນາອຸດສາຫະກຳໃໝ່ແລະຮູບແບບໃໝ່ໃນການເຮັດທຸລະກິດຢ່າງປອດໃສ,ເພີ່ມຕຳແໜ່ງງານໃໝ່; ສີ່ ໃຫ້ບໍລິການທີ່ດີໃນການປະກອບອາຊີບສະເພາະນັກສຶກສາທີ່ຫາກໍ່ຮຽນຈົບຈາກໂຮງຮຽນຊັ້ນສູງ,ກຳມະກອນເຄື່ອນຍ້າຍ,ທະຫານຈົບພັນທະ. ທັງຕ້ອງເພີ່ມທະວີການປົກປ້ອງສິດແລະຜົນປະໂຫຍດຂອງຜູ້ປະກອບອາຊີບອິດສະຫຼະແລະແຮງງານເພດຍິງ; ຫ້າ ຕ້ອງເພີ່ມການເຝິກອົບຮົມວິຊາຊີບໂດຍອີງຕາມຄວາມຕ້ອງການຂອງຕະຫຼາດ.