ວັນທີ 22 ສິງຫານີ້, ດ່ານກວດກາຄົນເຂົ້າອອກເມືອງບໍ່ຫານແຂວງຢຸນນານຈີນໄດ້ແຈ້ງຂ່າວວ່າ: ພິທີມອບ-ຮັບລົດໃຊ້ສະເພາະຕຳຫຼວດທີ່ອົງການຄຸ້ມຄອງຄົນຕ່າງປະເທດຂອງຈີນທີ່ຊ່ວຍເຫຼືອກະຊວງປ້ອງກັນຄວາມສະຫງົບແຫ່ງ ສປປ ລາວໄດ້ຈັດຂຶ້ນຢູ່ດ່ານບໍ່ຫານໃນວັນທີ 20 ສິງຫານີ້.
ໃນພິທີດັ່ງກ່າວ, ຜູ້ຕາງໜ້າຂອງສອງຝ່າຍໄດ້ເຊັນເອກະສານອບ-ຮັບ ພ້ອມທັງໄດ້ປຶກສາຫາລືແລະແລກປ່ຽນຄວາມຄິດເຫັນກັນກ່ຽວກັບການລົງເລິກການຮ່ວມມືດ້ານການປະຕິບັດກົດໝາຍໃນໄລຍະຕໍ່ໄປ ແລະ ສາມາດກ້າວເຖິງຂັ້ນມີຄວາມເຫັນທີ່ເປັນເອກະພາບກັນຢ່າງກວ້າງຂວາງ. ສອງຝ່າຍຍັງໄດ້ຕົກລົງລາຍລະອຽດທີ່ກ່ຽວຂ້ອງກັບການເຈລະຈາວຽກງານທາງອອນລາຍຄັ້ງທີ 16 ລະຫວ່າງດ່ານກວດກາຄົນເຂົ້າອອກເມືອງແຂວງຢຸນນານແລະພະແນກປ້ອງກັນຄວາມສະຫງົບຂອງ 5 ແຂວງທາງພາກເໜືອຂອງ ສປປ ລາວ, ຝ່າຍລາວຍັງໄດ້ມອບສານສະແດງຄວາມຂອບໃຈຂອງກົມພົວພັນຕ່າງປະເທດກະຊວງປ້ອງກັນຄວາມສະຫງົບລາວໃຫ້ແກ່ຝ່າຍຈີນ.
ຕາມຂ່າວແຈ້ງວ່າ: ເທື່ອນີ້, ອົງການຄຸ້ມຄອງຄົນຕ່າງປະເທດຈີນໄດ້ມອບລົດເກງຕຳຫຼວດ 2 ຄັນ, ລົດກະບະ 5 ຄັນ ແລະ ລົດຈັກຕຳຫຼວດ 25 ຄັນໃຫ້ແກ່ຝ່າຍລາວ.