ວັນທີ 23 ສິງຫານີ້, ທ່ານສີຈິ້ນຜິງໄດ້ສົ່ງສານຊົມເຊີຍເຖິງເວທີປຶກສາຫາລືດ້ານອຸດສາຫະກຳກ່ຽວກັບເສດຖະກິດດີຈີຕອນຈີນ-ອົງການຮ່ວມມືຊຽງໄຮ້ ແລະ ງານວາງສະແດງອຸດສາຫະກຳອັດສະລິຍະສາກົນຈີນ 2021.
ທ່ານສີຈິ້ນຜິງກ່າວວ່າ: ໃນຫຼາຍປີມໍ່ໆມານີ້, ຈີນໄດ້ຕັ້ງໜ້າຊຸກຍູ້ການພັດທະນາອຸດສາຫະກຳດີຈີຕອນ ແລະ ການພັດທະນາອຸດສາຫະກຳຕ່າງໆໃຫ້ຫັນເປັນແບບດີຈີຕອນ ພ້ອມທັງຊຸກຍູ້ໃຫ້ເຕັກນິກດີຈີຕອນເຊື່ອມໂຍງເຂົ້າກັບການພັດທະນາເສດຖະກິດສັງຄົມໄດ້ຢ່າງເລິກເຊິ່ງ. ເນື່ອງໃນໂອກາດວັນສ້າງຕັ້ງອົງການຮ່ວມມືຊຽງໄຮ້ຄົບຮອບ 20 ປີ, ຈີນຍິນດີຮ່ວມກັບປະເທດສະມາຊິກອົງການຮ່ວມມືຊຽງໄຮ້ ເສີມຂະຫຍາຍ “ຈິດໃຈຊຽງໄຮ້”, ເຂົ້າຮ່ວມການຮ່ວມມືສາກົນໃນດ້ານເສດຖະກິດດີຈີຕອນຢ່າງເລິກເຊິ່ງ, ເຮັດໃຫ້ການຫັນເປັນດີຈີຕອນ, ອິນເຕີເນັດ ແລະ ການຫັນເປັນແບບອັດສະລິຍະ ເປັນການເພີ່ມກຳລັງຂັບເຄື່ອນໃຫ້ແກ່ການພັດທະນາເສດຖະກິດສັງຄົມ ເພື່ອສ້າງສະພາບການໃໝ່ແຫ່ງການຮ່ວມມືດ້ານເສດຖະກິດດີຈີຕອນ.
ກອງປະຊຸມເວທີປຶກສາຫາລືອຸດສາຫະກຳກ່ຽວກັບເສດຖະກິດດີຈີຕອນຈີນ-ອົງການຮ່ວມມືຊຽງໄຮ້ ແລະ ງານວາງສະແດງອຸດສາຫະກຳອັດສະລິຍະສາກົນຈີນ 2021ໄດ້ຈັດຂຶ້ນຢູ່ນະຄອນຈຸ່ງກິ່ງຈີນໃນມື້ດຽວກັນ.