ໃນກອງປະຊຸມຖະແຫຼງຂ່າວຂອງຫ້ອງການຖະແຫຼງຂ່າວຄະນະລັດຖະບານຈີນທີ່ຈັດຂຶ້ນໃນຕອນເຊົ້າວັນທີ 23 ສິງຫານີ້, ທ່ານສຽນເຄີ້ໝິງ ຮອງລັດຖະມົນຕີກະຊວງການຄ້າຈີນໄດ້ໃຫ້ຮູ້ວ່າ: ມາຮອດປັດຈຸບັນ, ມີ 172 ປະເທດ ແລະ ອົງການຈັດຕັ້ງສາກົນໄດ້ເຊັນສັນຍາການຮ່ວມມືໃນຂອບ “ໜຶ່ງແລວໜຶ່ງເສັ້ນທາງ” ກັບຈີນ 200 ກວ່າສະບັບ, ການຮ່ວມມື “ໜຶ່ງແລວໜຶ່ງເສັ້ນທາງ” ນັບມື້ນັບຂະຫຍາຍກວ້າງອອກ.
ທ່ານສຽນເຄີ້ໝິງ ກ່າວວ່າ: ກະຊວງການຄ້າຈີນໄດ້ຊຸກຍູ້ການສ້າງຕັ້ງກົນໄກການຮ່ວມມືສອງຝ່າຍກ່ຽວກັບການສ້າງຄວາມສະດວກດ້ານການຄ້າ, ການຮ່ວມມືດ້ານການລົງທຶນ, ການຄ້າການບໍລິການ ແລະ ການຄ້າເອເລັກໂຕຣນິກ 90 ກວ່າກົນໄກ, ເພື່ອແກ້ໄຂບັນຫາທີ່ປະສົບພົບພໍ້ໃນການຮ່ວມມືກັນ. ໃນໄລຍະຕໍ່ໜ້າ, ຈີນຈະລົງເລິກການຮ່ວມມືດ້ານເສດຖະກິດການຄ້າ “ໜຶ່ງແລວໜຶ່ງເສັ້ນທາງ” ຢ່າງຕໍ່ເນື່ອງ, ຍົກສູງຄຸນນະພາບຂອງການທຸລະກິດ, ປະດິດສ້າງການຮ່ວມມືດ້ານການລົງທຶນ, ປັບປຸງກົນໄກຂອງເວທີຕ່າງໆໃຫ້ສົມບູນຂຶ້ນ, ເພີ່ມທະວີການປ້ອງກັນແລະຄວບຄຸມຄວາມສ່ຽງ ເພື່ອຊຸກຍູ້ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໃຫ້ສາມາດພັດທະນາຢ່າງມີຄຸນນະພາບສູງ ແລະ ພັດທະນາຢ່າງໝັ້ນທ່ຽງແລະເຂົ້າສູ່ລວງເລິກຢ່າງບໍ່ຢຸດຢັ້ງ, ປະກອບສ່ວນອັນໃໝ່ຢ່າງບໍ່ຢຸດຢັ້ງເພື່ອຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.