ທ່ານສີຈິ້ນຜິງເດີນທາງໄປສຳຫຼວດກວດກາວຽກງານຢູ່ນະຄອນເສີງເຕີແຂວງເຫີເປີຍ
2021-08-25 18:13:17 |ມາຈາກ: CRI
ວັນທີ 24 ສິງຫານີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປສຳຫຼວດຄົ້ນຄວ້າວຽກງານຢູ່ນະຄອນເສີງເຕີແຂວງເຫີເປີຍ. ທ່ານໄດ້ໄປຮອດວັງລະດູຮ້ອນເສີງເຕີ, ວັດພູນິງ, ຫໍພິພິທະພັນເສີງເຕີ, ບ້ານຕ້າກຸ້ຍໂຂຕາແສງພ່ຽນສຽວຈືເມືອງຊ່ວງລວນ, ສູນບໍລິການເບິ່ງແຍງຜູ້ເຖົ້າເຂດຊຸມຊົນປິ່ນເຫີເມືອງກ່າວຊິ່ນ, ເພື່ອສຳຫຼວດຄົ້ນຄວ້າວຽກງານໂດຍປິ່ນອ້ອມ ການອະນຸລັກແລະສືບທອດມໍລະດົກວັດທະນະທຳ, ວຽກງານສາສະໜາ, ຄວາມສາມັກຄີລະຫວ່າງຊົນເຜົ່າ, ການພັດທະນາຊົນນະບົດ, ການບໍລິການເບິ່ງແຍງຜູ້ເຖົ້າ ແລະອື່ນໆ.
