ເມືອງຊາງຢວນເປັນສະຖານທີ່ສວຍງາມ ແລະ ມະຫັດສະຈັນ

ເມືອງຊາງຢວນ ນະຄອນຫຼິນຊາງ ແຂວງຢຸນນານ, ທີ່ຕັ້ງຢູ່ທາງພາກຕາເວັນຕົກສ່ຽງໃຕ້ຂອງແຂວງຢຸນນານ, ເປັນໜຶ່ງໃນສອງຂອງເມືອງປົກຄອງຕົນເອງຊົນເຜົ່າວາໃນປະເທດຈີນ. ທິດຕາເວັນຕົກ ແລະ ທິດໃຕ້ຂອງເມືອງຊາງຢວນມີຊາຍແດນຕິດກັບປະເທດມຽນມາ, ແລະ ຊາຍແດນທັງໝົດເປັນດ່ານເປີດກວ້າງ ລະດັບສອງ ຂອງຈີນ. ເມືອງຊາງຢວນມີເນື້ອທີ່ 2446,43 ກິໂລຕາແມັດ, ສະຖານທີ່ນີ້ມີຫຼາຍກວ່າ 20 ຊົນເຜົ່າດຳລົງຊີວິດຮ່ວມກັນ ເຊັ່ນ: ຊົນເຜົ່າວາ, ຊົນເຜົ່າຮັນ, ຊົນເຜົ່າໄທລື້, ຊົນເຜົ່າອີ , ຊົນເຜົ່າລາຫູ ເປັນຕົ້ນ.

ພາຍໃນອານາເຂດຂອງເມືອງຊາງຢວນມີພູສີຂຽວ, ນ້ຳໃສ, ໄມ້ປ່ອງ, ແລະ ທິວທັດທີ່ສວຍງາມ. ແລະມີເຂດທ່ອງທ່ຽວຫຼາຍແຫ່ງເຊັ່ນ: ທາງຍ່າງຮູບແຕ້ມແບບພື້ນເມືອງຈີນທີ່ມີຄວາມຍາວຫຼາຍພັນແມັດ, ບ້ານວົງດິງ, ຮູບແຕ້ມໜ້າຜາເມືອງຊາງຢວນ ແລະ ອື່ນໆ. ຢູ່ໃນປ່າສະຫງວນທຳມະຊາດແຫ່ງຊາດແມ່ນ້ຳນານກຸນ, ມີສັດ ແລະ ພືດຫຼາຍກວ່າ 100 ຊະນິດທີ່ຢູ່ພາຍໃຕ້ການປົກປັກຮັກສາຂັ້ນໜຶ່ງ ແລະ ຂັ້ນສອງຂອງຊາດ ແລະ ດຳລົງຊີວິດຈະເລີນເຕີບໂຕຢູ່ທີ່ນີ້.

ໃນປີ 2019, ເມືອງຊາງຢວນໄດ້ຫລຸດພົ້ນອອກຈາກຄວາມທຸກຍາກຢ່າງເປັນທາງການ. ປະຈຸບັນ, ເມືອງປົກຄອງຕົນເອງຊົ່ນເຜົ່າວາຊາງຢວນໄດ້ພັດທະນາການທ່ອງທ່ຽວຊົນນະບົດໂດຍອີງໃສ່ຄວາມໄດ້ປຽບດ້ານຊັບພະຍາກອນ, ມີຂະແໜງການກະສິກໍາທີ່ມີຄຸນນະພາບສູງແລະມີປະສິດທິພາບສູງ, ມີບ້ານທີ່ເໝາະສົມໃນການອາໄສ ແລະ ການພັດທະນາທຸລະກິດ, ແລະ ມີຊາວກະສິກອນທີ່ຮັ່ງມີ.