ກອງປະຊຸມສຳມະນາການຄ້າແບບອອນລາຍ 2021 ເລີ່ມຂຶ້ນແລ້ວ

ວັນທີ 25 ສິງຫານີ້, ພິທີເປີດງານວາງສະແດງສິນຄ້າອາຊີໃຕ້-ອາຊີຕາເວັນອອກສ່ຽງໃຕ້ ແລະ ກອງປະຊຸມສຳມະນາການຄ້າ-ການລົງທຶນແບບອອນລາຍ 2021 (ຕໍ່ໄປເອີ້ນຫຍໍ້ວ່າ ກອງປະຊຸມສຳມະນາການຄ້າ ) ໄດ້ຈັດຂຶ້ນຢູ່ເມືອງຄຸນໝິງ. ກອງປະຊຸມຄັ້ງນີ້ມີຫົວຂໍ້ຄື “ໂອກາດໃໝ່, ການພັດທະນາໃໝ່”, ແລະ ຈະດຳເນີນໄປຈົນຮອດວັນທີ 29 ຂອງເດືອນນີ້.

ທ່ານ ຊິວຈ່ຽງ ຮອງເຈົ້າແຂວງແຂວງຢຸນນານໄດ້ກ່າວຄຳ ປາໄສໃນພິທີເປີດ ແລະ ປະກາດເປີດງານວາງສະແດງອອນໄລນ໌. ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຄ້າ ແລະ ກະຊວງການຕ່າງປະເທດກໍໄດ້ໃຫ້ຄຳປາໄສຜ່ານທາງວີດີໂອ. ທ່ານ ຕູເຊີນຫາຍ ຮອງລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ, ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດ ສປປ ລາວ ແລະ ທ່ານອື່ນໆ ກໍໄດ້ສະແດງຄວາມຊົມເຊີຍຜ່ານວິດີໂອທາງໄກ.

ໃນພິທີເປີດ, ຜູ້ເຂົ້າຮ່ວມໄດ້ຮຽນຮູ້ເຂົ້າໃຈກ່ຽວກັບຄວາມຄືບໜ້າຫລ້າສຸດຂອງການກໍ່ສ້າງທາງລົດໄຟລາວ-ຈີນຜ່ານທາງວິດີໂອ, ແລະໄດ້ຮ່ວມກັນເປັນສັກຂີພິຍານການລົງນາມໃນເວທີການດໍາເນີນງານລະດັບແຂວງຂອງ ຂະບວນລົດຂົນສົ່ງສິນຄ້າສາກົນຈີນ-ລາວ.

ກົງສຸນໃຫຍ່ ແລະ ກົງສຸນແຫ່ງກຳປູເຈຍ, ມາເລເຊຍ, ຫວຽດນາມ, ບັງກະລາເທດ, ລາວ, ມຽນມາ,ໄທທີ່ຄຸນໝິງກໍໄດ້ເຂົ້າຮ່ວມໃນພິທີເປີດ.