ພິທີເປີດຊຸດຝຶກອົບຮົມພະນັກງານໜຸ່ມແລະໄວກາງຄົນສົກຮຽນລະດູໃບໄມ້ລົ່ນ2021ຂອງໂຮງຮຽນທິດສະດີພັກກອມມູນິດຈີນຂັ້ນສູນກາງຫຼືສະຖາບັນການປົກຄອງແຫ່ງຊາດໄດ້ໄຂຂຶ້ນໃນ ວັນທີ 1 ກັນຍານີ້ຢູ່ທີ່ໂຮງຮຽນທິດສະດີພັກກອມມູນິດຈີນຂັ້ນສູນກາງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ກ່າວຄຳປາໄສສຳຄັນໃນພິທີດັ່ງກ່າວໂດຍເນັ້ນວ່າ ພະນັກງານໜຸ່ມເປັນລຸ້ນຄົນທີ່ເກີດແລະດຳລົງຊີວິດຢູ່ໃນຍຸກທີ່ຍິ່ງໃຫຍ່,ເປັນກຳລັງຫຼັກແຫຼ່ງໃນການພັດທະນາພາລະກິດຂອງພັກແລະລັດ. ນັບແຕ່ພັກກອມມູນິດຈີນສ້າງຕັ້ງຂຶ້ນເປັນເວລາ 100 ປີມານີ້, ກໍເປັນພັກທີ່ມີອຸດົມການອັນສູງສົ່ງແລະມີຄວາມເຊື່ອສັດທາອັນເດັດດ່ຽວໜຽວແໜ້ນຢ່າງສະເໝີຕົ້ນສະເໝີປາຍ. ເຊິ່ງອຸດົມການນີ້ກໍແມ່ນຄວາມເຊື່ອໃນລັດທິມາກ, ອຸດົມການທີ່ສູງສົ່ງຂອງລັດທິກອມມູນິດ, ອຸດົມການຮ່ວມຂອງສັງຄົມນິຍົມທີ່ມີສີສັນພິເສດຂອງຈີນ. ພະນັກງານໜຸ່ມຕ້ອງຈື່ຈຳໃຫ້ໜັກແໜ້ນ, ການຍຶດໝັ້ນອຸດົມການຢ່າງເດັດດ່ຽວກໍເປັນຫົວຂໍ້ຫຼັກຕະຫຼອດຊີວິດ. ເມື່ອຍຶດໝັ້ນອຸດົມການຢ່າງເດັດດ່ຽວຈິ່ງຈະຈົງຮັກພັກດີຕໍ່ພັກໄດ້.