ຕາມຂ່າວCRI：ຕາມຕົວເລກທີ່ເຜີຍແຜ່ໂດຍກະຊວງການຄ້າຈີນສະແດງໃຫ້ເຫັນວ່າ, ໃນປີ 2020, ຍອດມູນຄ່າຂາເຂົ້າຂາອອກຂອງຜະລິດຕະພັນວັດທະນະທຳແລະການບໍລິການຂອງຈີນໄດ້ບັນລຸ 144，3 ຕື້ໂດລາ, ມູນຄ່າຂາອອກຂອງຜະລິດຕະພັນວັດທະນະທຳຢືນຢູ່ແຖວໜ້າຂອງໂລກຫຼາຍປີລຽນຕິດ.
ຫວ່າງບໍ່ດົນມານີ້, ນັກຂ່າວໄດ້ຮັບຊາບຈາກເວທີປຶກສາຫາລືກ່ຽວກັບພື້ນຖານຂາອອກຜະລິດຕະພັນດ້ານວັດທະນະທຳແຫ່ງຊາດຄັ້ງທຳອິດທີ່ໄດ້ຈັດຂຶ້ນຢູ່ນະຄອນຫຼວງປັກກິ່ງວ່າ: ຈີນພວມເພີ່ມທະວີການສະໜັບສະໜູນການສ້າງຖານຂາອອກຜະລິດຕະພັນດ້ານວັດທະນະທຳແຫ່ງຊາດຢ່າງຕໍ່ເນື່ອງ. ກົມໃຫຍ່ວິທະຍຸແລະໂທລະພາບແຫ່ງຊາດຈີນໄດ້ປັບປຸງຂໍ້ກຳນົດແລະນະໂຍບາຍກ່ຽວກັບການຜະລິດລະຄອນໂທລະພາບທີ່ມີການຮ່ວມມືລະຫວ່າງຈີນແລະຕ່າງປະເທດແລະອື່ນໆໃຫ້ສົມບູນກວ່າເກົ່າ, ໄດ້ເຊັນສັນຍາຖ່າຍທຳລາຍການໂທລະພາບລະຫວ່າງລັດຖະບານຈີນກັບຕ່າງປະເທດ. ພ້ອມກັນນັ້ນ, ກໍ່ໄດ້ສົ່ງເສີມແລະສະໜັບສະໜູນໃຫ້ວິສາຫະກິດທີ່ດີເດັ່ນໃນການຜະລິດລາຍການທີ່ໄດ້ຮັບຄວາມນິຍົມຊົມຊອບຈາກຜູ້ໃຊ້ອິນເຕີເນັດແລະວິສາຫະກິດທີ່ກ່ຽວຂ້ອງຂອງກັບຖານຂາອອກຜະລິດຕະພັນດ້ານວັດທະນະທຳແຫ່ງຊາດເພີ່ມທະວີການສ້າງຖານການຜະລິດຢູ່ຕ່າງປະເທດ.