ວັນທີ 6 ກັນຍານີ້, ທ່ານສີຈີ້ນຜິງ ປະທານປະເທດຈີນໄດ້ສົ່ງຈົດໝາຍອວຍສານຊົມເຊີຍເຖິງກອງປະຊຸມວິທະຍາສາດການບິນສາກົນຄັ້ງທີ 32.
ທ່ານສີຈີ້ນຜິງຊີ້ອອກວ່າ, ເຕັກນິກວິທະຍາສາດການບິນແມ່ນໜຶ່ງໃນບັນດາຂົງເຂດເຕັກນິກວິທະຍາສາດທີ່ພັດທະນາໄວກວ່າໝູ່ ແລະສົ່ງຜົນດີຫຼາຍກວ່າໝູ່ຕໍ່ການຜະລິດແລະຊີວິດການເປັນຢູ່ຂອງມວນມະນຸດ ນັບແຕ່ສະຕະວັດທີ 20 ມາຮອດປັດຈຸບັນນີ້. ໂລກປັດຈຸບັນກຳລັງປະສົບກັບການປະຕິວັດທາງດ້ານເຕັກນິກວິທະຍາສາດແລະການປ່ຽນແປງດ້ານອຸດສາຫະກຳຢ່າງເລິກເຊິ່ງ, ເຕັກນິກວິທະຍາສາດການບິນພວມປະເຊີນກັບກາລະໂອກາດການພັດທະນາທີ່ບໍ່ເຄີຍມີມາກ່ອນ, ການດຳເນີນການຮ່ວມມືດ້ານເຕັກນິກວິທະຍາສາດການບິນທົ່ວໂລກມີຄວາມຈຳເປັນທີ່ສຸດແລະກໍ່ມີອະນາຄົດທີ່ກວ້າງຂວາງທີ່ສຸດ. ຫວັງວ່າກອງປະຊຸມຄັ້ງນີ້ ຈະເສີມຂະຫຍາຍບົດບາດທີ່ຕັ້ງໜ້າໃນການຊຸກຍູ້ການຮ່ວມມືດ້ານເຕັກນິກວິທະຍາສາດການບິນທົ່ວໂລກ, ເພື່ອສ້າງຄວາມສຸກໃຫ້ແກ່ປະຊາຊົນປະເທດຕ່າງໆໃນໂລກຫຼາຍກວ່າເກົ່າ.
ວັນທີ 6 ກັນຍານີ້, ກອງປະຊຸມວິທະຍາສາດການບິນສາກົນຄັ້ງທີ 32 ໄດ້ຈັດຂຶ້ນຢູ່ນະຄອນຊຽງໄຮ, ໂດຍມີສະພາວິທະຍາສາດການບິນສາກົນເປັນເຈົ້າພາບ, ສະມາຄົມການບິນຈີນເປັນຝ່າຍປະຕິບັດງານ.