ວັນທີ 6 ກັນຍານີ້, ກອງປະຊຸມສ້າງຕັ້ງສູນຄົ້ນຄວ້າບິກດາຕາສາກົນເພື່ອການພັດທະນາແບບຍືນຍົງທັງເປັນພິທີໄຂເວທີປືກສາຫາລືກ່ຽວກັບບິກດາຕາສາກົນເພື່ອການພັດທະນແບບຍືນຍົງປີ 2021 ໄດ້ໄຂຂຶ້ນຢູ່ນະຄອນຫຼວງປັກກິ່ງ. ທ່ານສີຈິ້ນຜີງ, ປະທານປະເທດຈີນໄດ້ສົ່ງສານຊົມເຊີຍເຖິງກອງປະຊຸມສ້າງຕັ້ງສູນຄົ້ນຄວ້າບິກດາຕາສາກົນເພື່ອການພັດທະນາແບບຍືນຍົງແລະເວທີປືກສາຫາລືບິກດາຕາສາກົນເພື່ອການພັດທະນແບບຍືນຍົງປີ 2021.
ທ່ານສີຈິ້ນຜີງໄດ້ກ່າວເນັ້ນວ່າ: ປັດຈຸບັນນີ້, ທົ່ວໂລກພວມປະເຊີນກັບຜົນກະທົບອັນໃຫຍ່ຫຼວງຈາກສະພາບພະຍາດໂຄວິດ-19 , ການປະດິດສ້າງໃໝ່ດ້ານເຕັກນິກວິທະຍາສາດແລະການນຳໃຊ້ບິກດາຕາຈະມີຜົນດີຕໍ່ການຊຸກຍູ້ໃຫ້ປະຊາຄົມໂລກສາມາດຜ່ານຜ່າຄວາມຫຍຸ້ງຍາກ, ຈັດຕັ້ງປະຕິບັດວາລະການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດໃນຂອບເຂດທົ່ວໂລກ.
ທ່ານສີຈິ້ນຜີງຍັງໄດ້ກ່າວເນັ້ນວ່າ, ຫວັງວ່າຝ່າຍຕ່າງໆຈະນຳໃຊ້ສູນຄົ້ນຄວ້າບິກດາຕາສາກົນເພື່ອການພັດທະນາແບບຍືນຍົງແລະເວທີປຶກສາຫາລືຄັ້ງນີ້ຢ່າງເຕັມທີ, ຮ່ວມກັນປຶກສາຫາລືກ່ຽວກັບແຜນການພັດທະນາແບບຍືນຍົງດ້ວຍການນຳໃຊ້ບິກດາຕາ, ເພີ່ມທະວີການຮ່ວມມືສາກົນ, ພະຍາຍາມຮ່ວມກັນປະກອບສ່ວນເຂົ້າໃນການຈັດຕັ້ງປະຕິບັດວາລະການພັດທະນາຮອດປີ 2030 ຂອງອົງການສະຫະປະຊາຊາດຮ່ວມຊາຕາກຳຂອງມວນມະນຸດ.