ຫ້ອງການຖະແຫລງຂ່າວຂອງລັດຖະບານຈີນໄດ້ປະກາດ ແຜນປະຕິບັດງານວ່າດ້ວຍສິດທິມະນຸດແຫ່ງຊາດແຕ່ປີ 2021-2025 ໃນວັນທີ 9 ກັນຍານີ້, ໂດຍໄດ້ຕົກລົງເປົ້າໝາຍ ແລະໜ້າທີ່ໃນໄລຍະປີ 2021-2025ກ່ຽວກັບການເຄົາລົບ, ການປົກປ້ອງ ແລະການສົ່ງເສີມສິດທິມະນຸດ.
ແຜນປະຕິບັດງານດັ່ງກ່າວປະກອບດ້ວຍ 8 ພາກ ເຊັ່ນ: ຄຳນຳ, ສິດທິດ້ານເສດຖະກິດ, ສັງຄົມ ແລະວັດທະນະທຳ, ສິດທິຂອງພົນລະເມືອງ ແລະສິດທິດ້ານການເມືອງ, ສິດທິດ້ານສະພາບແວດລ້ອມ, ການປົກປ້ອງສິດຂອງກຸ່ມຄົນພິເສດ, ການສຶກສາ ແລະການຄົ້ນຄວ້າດ້ານມະນຸດສະທຳ, ການເຂົ້າຮ່ວມຄຸ້ມຄອງບໍລິຫານສິດທິມະນຸດຂອງໂລກ, ການຈັດຕັ້ງປະຕິບັດ ຕິດຕາມກວດກາ ແລະການປະເມີນຜົນ. ລວມທັງເປົ້າໝາຍ ແລະໜ້າທີ່ທີ່ເປັນຮູບປະທຳເກືອບ 200 ຂໍ້.
ແຜນການດັ່ງກ່າວໄດ້ຊີ້ໃຫ້ເຫັນວ່າ: ການສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານແມ່ນຈຸດເລີ່ມຕົ້ນອັນໃໝ່ຂອງການພັດທະນາວຽກງານສິດທິມະນຸດຂອງຈີນ. ບົນພື້ນຖານທີ່ໄດ້ສະຫລຸບສະພາບການປະຕິບັດງານ ແລະບົດຮຽນດ້ານພຶດຕິກຳກ່ຽວກັບແຜນປະຕິບັດງານວ່າດ້ວຍສິດທິມະນຸດແຫ່ງຊາດຂອງຈີນ 3 ສະບັບທີ່ປະຕິບັດຜ່ານມາ, ລັດຖະບານຈີນໄດ້ກຳນົດແຜນປະຕິບັດງານວ່າດ້ວຍສິດທິມະນຸດແຫ່ງຊາດແຕ່ປີ 2021-2025.