ວັນທີ 16 ກັນຍານີ້, ກອງປະຊຸມນັບຖອຍຫຼັງການຈັດງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ຍັງເຫຼືອພຽງ 50 ວັນ ເຊິ່ງໄດ້ແນະນຳຄວາມຄືບໜ້າຂອງວຽກງານກະກຽມຫຼ້າສຸດ. ງານວາງສະແດງຄັ້ງນີ້ຈະມີເນື້ອທີ່ວາງສະແດງຂອງວິສາຫະກິດ ແລະທຸລະກິດຫຼາຍກວ່າ 360000 ຕາແມັດ, ມີຈຳນວນວິສາຫະກິດທີ່ໄດ້ເຊັນສັນຍາເຂົ້າຮ່ວມຫຼາຍກວ່າປີກາຍ. ງານວາງສະແດງຄັ້ງນີ້ຈະນຳໃຊ້ 14 ເຂດຂອງສູນວາງສະແດງແຫ່ງຊາດຊຽງໄຮ, ມີຫ້ອງວາງສະແດງ 12 ຫ້ອງມີເນື້ອທີ່ຫຼາຍກວ່າ 1000 ຕາແມັດ. ມີ 500 ບໍລິສັດແຖວໜ້າຂອງໂລກ ແລະວິສາຫະກິດນຳໜ້າຂອງຂະແໜງການຕ່າງໆເຂົ້າຮ່ວມ, ໃນນັ້ນມີຫຼາຍກວ່າ 80% ເຄີຍເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນປີຜ່ານມາ. ໃນປີ 2021, ມີຈຳນວນປະເທດ ແລະເຂດແຄວ້ນເຂົ້າຮ່ວມຫຼາຍກວ່າປີ 2020, ແລະຈຳນວນວິສາຫະກິດຂະໜາດກາງ ແລະນ້ອຍຂອງຕ່າງປະເທດຈະເຂົ້າຮ່ວມງານວາງສະແດງຄັ້ງນີ້ເພີ່ມຂຶ້ນ 30%.