ຕອນບ່າຍວັນທີ 17 ກັນຍານີ້ ຢູ່ທີ່ນະຄອນຫຼວງປັກກິ່ງ, ທ່ານ ສີຈິ້ນຜິງ ປະທານປະເທດຈີນ ໄດ້ເຂົ້າຮ່ວມກອງປະຊຸມສຸດຍອດປະສົມຂອງອົງການຮ່ວມມືຊຽງໄຮ້ ແລະ ອົງການສົນທິສັນຍາຄວາມໝັ້ນຄົງລວມໝູ່ ກ່ຽວກັບບັນຫາອັຟການີສະຖານ ໃນຮູບແບບຜ່ານທາງວິດີໂອ.
ທີ່ປະຊຸມ, ທ່ານ ສີຈິ້ນຜິງ ໄດ້ສະເໜີຄວາມເຫັນ 3 ຂໍ້ກ່ຽວກັບບັນຫາອັຟການີສະຖານ, ຄື:
ຂໍ້ທີໜຶ່ງ, ຄວນຊຸກຍູ້ສະພາບການຢູ່ອັຟການີສະຖານໃຫ້ສາມາດຂ້າມຜ່ານໄດ້ຢ່າງໝັ້ນທ່ຽງໂດຍໄວ, ສະໜັບສະໜູນບັນດາຝ່າຍພາຍໃນປະເທດອັຟການີສະຖານ ໃຫ້ບັນລຸແຜນການການເມືອງທີ່ປະກອບດ້ວຍຫຼາຍຝ່າຍໂດຍໄວ ໂດຍຜ່ານການເຈລະຈາ ແລະ ການປຶກສາຫາລືກັນ;
ຂໍ້ທີສອງ, ຄວນຕິດຕໍ່ພົວພັນ ແລະ ສົນທະນາກັບອັຟການີສະຖານ ແລະ ແລກປ່ຽນຄວາມຄິດເຫັນກັບບັນດາຝ່າຍຂອງອັຟການີສະຖານ ໂດຍເລີ່ມຈາກແງ່ມູມທີ່ມີສະຕິສຳປະຊັນຍະ ແລະ ແທດເໝາະກັບສະພາບຄວາມເປັນຈິງ ເພື່ອຊັກນຳ ແລະ ຊຸກຍູ້ໃຫ້ໂຄງປະກອບການຈັດຕັ້ງອຳນາດການປົກຄອງໃໝ່ຂອງອັຟການີສະຖານ ມີການເປີດປະຕູສູ່ພາຍນອກ ແລະ ມີຄວາມເປີດໃຈຍອມຮັບຫຼາຍກວ່າເກົ່າ ທັງປະຕິບັດນະໂຍບາຍຕໍ່ພາຍໃນ ແລະ ຕ່າງປະເທດທີ່ອ່ອນໂຍນ ແລະ ໜັກແໜ້ນ.