ວັນທີ21ກັນຍານີ້,ກະຊວງວັດທະນະທຳແລະທ່ອງທ່ຽວຈີນໄດ້ເປີດເຜີຍໃຫ້ຮູ້ວ່າ:ຕາມການຄາດຄະເນຂອງສູນຕົວເລກຂໍ້ມູນຂອງຕົນ, ໃນໄລຍະພັກບຸນໄຫວ້ພະຈັນສາມວັນປີນີ້, ຈຳນວນຊາວຈີນທີ່ອອກໄປທ່ຽວຫຼິ້ນຢູ່ພາຍໃນປະເທດມີເຖິງ88.159.300ເທື່ອຄົນ ເຊິ່ງສາມາດຟື້ນຄືນໄດ້87,2%ຂອງຈຳນວນນັກທ່ອງທ່ຽວໃນບຸນໄຫວ້ພະຈັນປີ2019,ໄດ້ສ້າງລາຍຮັບດ້ານການທ່ອງທ່ຽວພາຍໃນປະເທດ 37,149ຕື້ຢວນ ເຊິ່ງສາມາດຟື້ນຄືນໄດ້ 78,6%ຂອງລາຍຮັບໃນບຸນໄຫວ້ພະຈັນປີ2019.
ກະຊວງວັດທະນະທຳແລະທ່ອງທ່ຽວຍັງກ່າວເນັ້ນໜັກວ່າ:ປັດຈຸບັນຕ້ອງໃຊ້ມາດຕະການຢ່າງເຂັ້ມງວດເພື່ອປ້ອງກັນບໍ່ໃຫ້ມີຜູ້ຕະດເຊື້ອພະຍາດຊາວຕ່າງປະເທດເຂົ້າມາແຜ່ລະບາດຢູ່ພາຍໃນປະເທດ,ຈິ່ງບໍ່ທັນໄດ້ອະນຸຍາດໃຫ້ບໍລິສັດທ່ອງທ່ຽວແລະວິສາຫະກິດທ່ອງທ່ຽວອອນລາຍນຳນັກທ່ອງທ່ຽວເຂົ້າອອກດ່ານໄດ້ເທື່ອ. ໃນຂະນະດຽວກັນ ອົງການເຮັດທຸລະກິດດ້ານວັດທະນະທຳແລະການທ່ອງທ່ຽວຢູ່ແຫ່ງຕ່າງໆຕ້ອງຈັດຕັ້ງປະຕິບັດມາດຕະການທີ່ຈຳກັດຈຳນວນຄົນ,ນັດຊື້ປີ້ລ່ວງໜ້າແລະກຳນົດເວລາທ່ອງທ່ຽວຢູ່ສະຖານທີ່ທ່ອງທ່ຽວຕ່າງໆຢ່າງເຂັ້ມງວດ, ສະຖານທີ່ທ່ອງທ່ຽວຕ້ອງຄວບຄຸມຈຳນວນນັກທ່ອງທ່ຽວຢ່າງສົມເຫດສົມຜົນ,ປະຕິບັດລະບຽບການນັດຊື້ປີ້ລ່ວງໜ້າທາງເນັດ,ເພື່ອສາມາດຕິດຕາມແລະຮູ້ຂໍ້ມູນຂອງຈຳນວນນັກທ່ອງທ່ຽວໄດ້.