ເຜີຍແຜ່ປຶ້ມປົກສີຟ້າຂອງກອງປະຊຸມອິນເຕີເນັດໂລກ2021
ພິທີຖະແຫຼງຂ່າວກ່ຽວກັບປຶ້ມປົກສີຟ້າຂອງກອງປະຊຸມອິນເຕີເນັດໂລກ2021ໄດ້ຈັດຂຶ້ນຢູ່ເມືອງອູເຈີ້ນ ແຂວງເຈີ້ຈ່ຽງ ສປ ຈີນໃນຕອນບ່າຍວັນທີ 26 ກັນຍານີ້, ນັບແຕ່ປີ2017ເປັນຕົ້ນມາ, ກອງປະຊຸມອິນເຕີເນັດໂລກໄດ້ເຜີຍແຜ່ປຶ້ມປົກສີຟ້າໃຫ້ທົ່ວໂລກໄດ້ຮັບຊາບມາເປັນເວລາ 4 ປີຕິດຕໍ່ກັນແລ້ວ ເຊິ່ງເປັນໝາກຜົນສຳຄັນອັນໜຶ່ງໃນການຄົ້ນຄວ້າດ້ານທິດສະດີແລະພຶດຕິກຳຕົວຈິງຂອງກອງປະຊຸມນີ້, ທັງເປັນກິດຈະກຳທີ່ມີເອກະລັກພິເສດສຳລັບຂົງເຂດຄົ້ນຄວ້າອິນເຕີເນັດສາກົນ ເຊິ່ງໄດ້ຮັບຄວາມສົນໃຈຢ່າງກວ້າງຂວາງຈາກທັງພາຍໃນປະເທດຈີນແລະຕ່າງປະເທດ.
ປຶ້ມປົກສີຟ້າໃນຫົວຂໍ້ “ບົດລາຍງານວ່າດ້ວຍການພັດທະນາອິນເຕີເນັດຈີນ2021”ໄດ້ປະເມີນຜົນໃນ 6 ດ້ານກ່ຽວກັບສະພາບການພັດທະນາອິນເຕີເນັດຢູ່ 31 ແຂວງ, ເຂດປົກຄອງຕົນເອງແລະກຳແພງນະຄອນໃນທົ່ວປະເທດຈີນ ເຊິ່ງຜົນການປະເມີນສະແດງໃຫ້ເຫັນວ່າ ການຈັດອັນດັບໂດຍສັງລວມແຕ່ອັນດັບ 1 ຫາ 3 ມີດັ່ງນີ້: ປັກກິ່ງ, ແຂວງກວາງຕຸ້ງແລະ ຊຽງໄຮ້.
ປຶ້ມປົກສີຟ້າໃນຫົວຂໍ້ “ບົດລາຍງານວ່າດ້ວຍການພັດທະນາອິນເຕີເນັດໂລກ2021”ໄດ້ສຸມໃສ່ພຶດຕິກຳຕົວຈິງແຫ່ງການພັດທະນາອິນເຕີເນັດໂລກໃນດ້ານເຕັກນິກໃໝ່,ການປະຍຸກໃໝ່,ການພັດທະນາໃໝ່ແລະບັນຫາໃໝ່, ທັງໄດ້ເລືອກປະເມີນຜົນແລະການຈັດອັນດັບຂອງ 48 ປະເທດແລະເຂດແຄວ້ນໃນໂລກ ເຊິ່ງຜົນການຈັດອັນດັບມີຄື: ອາເມຣິກາເປັນອັນດັບ 1, ຈີນ ອັນດັບ 2, ອັງກິດ ອັນດັບ 3, ເຢຍລະມັນ ອັນດັບ4 ແລະການາດາ ອັນດັບ 5.