ວັນທີ 29 ກັນຍານີ້, ກະຊວງການຄ້າ, ກົມສະຖິຕິແຫ່ງຊາດແລະກົມຄວບຄຸມເງິນຕາຕ່າງປະເທດແຫ່ງຊາດຈີນ ໄດ້ຮ່ວມກັນປະກາດ “ຕົວເລກສະຖິຕິການລົງທຶນໂດຍກົງຂອງຈີນຢູ່ຕ່າງປະເທດປະຈຳປີ 2020” ຢ່າງເປັນທາງການ.
ຕົວເລກສະຖິຕິໄດ້ສະແດງໃຫ້ເຫັນວ່າ: ໃນປີ 2020, ການລົງທຶນໂດຍກົງຂອງຈີນຢູ່ຕ່າງປະເທດໄດ້ບັນລຸເຖິງ 153,71 ຕື້ໂດລາ, ເພີ່ມຂຶ້ນ 12,3% ເມື່ອທຽບໃສ່ປີກາຍນີ້.
ນັບມາຮອດທ້າຍປີ 2020, ວິສາຫະກິດລົງທຶນຂອງຈີນ 28.000 ແຫ່ງ ໄດ້ສ້າງຕັ້ງວິສາຫະກິດການລົງທຶນໂດຍກົງຢູ່ຕ່າງປະເທດ 45.000 ແຫ່ງໃນ 189 ປະເທດແລະເຂດແຄ້ວນໃນທົ່ວໂລກ, ປະເທດແລະເຂດແຄວ້ນຫຼາຍກວ່າ 80% ໃນທົ່ວໂລກກໍ່ມີການລົງທຶນຂອງຈີນ, ຮອດທ້າຍປີ 2020, ຍອດມູນຄ່າຊັບສິນຂອງວິສາຫະກິດຈີນທີ່ລົງທຶນຢູ່ຕ່າງປະເທດມີເຖິງ 7.900 ຕື້ໂດລາສະຫະລັດ. ໃນນັ້ນ, ວິສາຫະກິດຢູ່ປະເທດລຽບຕາມ “ໜຶ່ງແລວໜຶ່ງເສັ້ນທາງ” ມີຫຼາຍກວ່າ 1.1000 ແຫ່ງ, ໃນປີ 2020, ຈີນໄດ້ບັນລຸການລົງທຶນໂດຍກົງຢູ່ຕ່າງປະເທດເຖິງ 22,54 ຕື້ໂດລາສະຫະລັດ, ເພີ່ມຂຶ້ນ 20,6% ເມື່ອທຽບໃສ່ໄລຍະດຽວກັນຂອງປີກາຍນີ້, ແຕ່ປີ 2013 ຫາປີ 2020, ການລົງທຶນໂດຍກົງຂອງຈີນຢູ່ປະເທດລຽບຕາມ “ໜຶ່ງແລວໜຶ່ງເສັ້ນທາງ” ມີເຖິງ 139,85 ຕື້ໂດລາສະຫະລັດ.