ໃນກອງປະຊຸມຂ່າວທີ່ຈັດຂຶ້ນໃນວັນທີ 29 ກັນຍານີ້, ທ່ານນາງຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວວ່າ, ອາເມຣິກາຄວນແກ້ໄຂຄວາມຜິດພາດ, ຢຸດຕິການໃຊ້ກຳລັງແຫ່ງຊາດຊະຊາຍ ແລະ ຢຸດຕິການໂຈມຕີວິສາຫະກິດຈີນດ້ວຍຂໍ້ອ້າງທີ່ໄຮ້ສາລະ.
ຂ່າວແຈ້ງວ່າ, ຫວ່າງມໍ່ໆມານີ້, ຄະນະກຳມະການໂທລະຄົມສະຫະລັດອາເມຣິກາກ່າວວ່າ,ຈະຈັດສັນງົບປະມານ 1,9 ຕື້ໂດລາ ເພື່ອຊົດເຊີຍຄ່າໃຊ້ຈ່າຍທີ່ບໍລິສັດໂທລະຄົມເຂດຊົນນະບົດອາເມຣິກາຍົກເລີກການນຳໃຊ້ເຄື່ອງອຸປະກອນອິນເຕີເນັດຂອງບໍລິສັດ HUAWEI ຈີນ. ຕໍ່ເລື່ອງນີ້, ນາງຮວ້າຊຸ່ນຢີງກ່າວວ່າ:
“ພາຍໃຕ້ສະພາບການແຜ່ລະບາດຂອງພະຍາດໂຄວິດ-19 ແລະ ເສດຖະກິດອາເມຣິກາພວມຊຸດໂຊມລົງ,ງົບປະມານ 1,9 ຕື້ໂດລານີ້ຄວນນຳໄປໃຊ້ໃຫ້ຖືກກັບຄວາມຕ້ອງການດ່ວນ. ອາເມຣິກາໃສ່ຮ້າຍປ້າຍສີບໍລິສັດ HUAWEI ແລະ ວິສາຫະກິດອື່ນໆຂອງຈີນຢ່າງບໍ່ຢຸດຢັ້ງ ໂດຍບໍ່ມີຫຼັກຖານຕົວຈິງໃດໆ ດ້ວຍຂໍ້ອ້າງທີ່ຄວາມໝັ້ນຄົງແຫ່ງຊາດ ພຽງແຕ່ແມ່ນວິທີການລະດັບຊາດຂອງອາເມຣິກາໃຊ້ເພື່ອຂົ່ມເຫັງວິສາຫະກິດໄຮເຕັກຂອງຈີນ ແລະ ແມ່ນຂໍ້ອ້າງລະດັບຕ່ຳເພື່ອກີດກັນທາງການຄ້າເທົ່ານັ້ນ. ອາເມຣິກາເຮັດໂລເລທົ່ວທີບພາຍໃນປະເທດຕົນ, ຈີນບໍ່ສົນໃຈ, ແຕ່ອາເມຣິກາຄວນແກ້ຄວາມຜິດພາດຂອງຕົນ, ຢຸດຕິໃຊ້ກຳລັງແຫ່ງຊາດຊະຊາຍ ແລະ ໂຈມຕີວິສາຫະກິດຈີນດ້ວຍຂໍ້ອ້າງທີ່ໄຮ້ສາລະ.”