ກອງປະຊຸມຄວາມຮ້ອນໃຕ້ດິນໂລກຄັ້ງທີ 6 ໄດ້ໃຫ້ຮູ້ວ່າ: ປີ 2020, ຄວາມສາມາດການຜະລິດໄຟຟ້າຈາກຄວາມຮ້ອນໃຕ້ດິນໂດຍກົງຂອງຈີນກວມ 38% ຂອງໂລກ, ຢູ່ອັນດັບໜຶ່ງຂອງໂລກຫຼາຍປີລຽນຕິດ.
ກອງປະຊຸມໄດ້ເປີດເຜີຍຕົວເລກຂໍ້ມູນໂດຍສະແດງໃຫ້ເຫັນວ່າ: ຮອດທ້າຍປີ 2020, ຄວາມສາມາດຜະລິດໄຟຟ້າຈາກຄວາມຮ້ອນໃຕ້ດິນໂດຍກົງຂອງຈີນມີເຖິງ 40.600 ເມກາວັດ,ກວມ 38% ຂອງໂລກ,ເປັນອັນດັບໜຶ່ງຂອງໂລກຫຼາຍປີລຽນຕິດ. ໃນນັ້ນ,ຄວາມສາມາດການຜະລິດໄຟຟ້າຈາກຄວາມຮ້ອນໃຕ້ດິນໂດຍກົງມີເຖິງ 7 ພັນເມກາວັດ, ຄວາມສາມາດການຜະລິດໄຟຟ້າດ້ວຍປ້ຳຄວາມຮ້ອນໃຕ້ດິນມີເຖິງ 26.500 ເມກາວັດ, ຕ່າງກໍ່ໄດ້ເພີ່ມຂຶ້ນ 138% ແລະ 125% ເມື່ອທຽບໃສ່ປີ 2015. ຂ່າວແຈ້ງວ່າ: ສະຖານທີ່ຈັດງານກິລາໂອລິມປິກລະດູໜາວປັກກິ່ງໃນຄັ້ງນີ້ກໍໄດ້ໃຊ້ເຄື່ອງຈັກປ້ຳພະລັງອາຍນ້ຳມາເຮັດອາຍອຸ່ນ.
ພະລັງຄວາມຮ້ອນໃຕ້ດິນແມ່ນພະລັງງານໝູນວຽນຊະນິດໜຶ່ງເຊິ່ງມີປະລິມານສະສົມທີ່ອຸດົມສົມບູນ,ແຈກຢາຍຢູ່ທົ່ວໂລກຢ່າງກວ້າງຂວາງ,ມີຄວາມໝັ້ນທ່ຽງແລະໄວ້ໃຈໄດ້.