25 ສະຖານີລົດໄຟພ້ອມແລ້ວຈະຮັບໃຊ້ການເປີດບໍລິການທາງລົດໄຟຈີນ-ລາວໃນໄວໆນີ້
ເສັ້ນທາງລົດໄຟຈີນ-ລາວຕະຫຼອດສາຍມີ ສະຖານີລົດໄຟທີ່ສ້າງໃໝ່ 50 ແຫ່ງ, ໃນນີ້ ຕອນຢູ່ປະເທດຈີນມີ 18 ແຫ່ງ. ປັດຈຸບັນ, ສະຖານີລົດໄຟ 25 ແຫ່ງທີ່ຈະເປີດບໍລິການໃນໄລຍະເບື້ອງຕົ້ນໃນເວລາເປີດນຳໃຊ້ທາງລົດໄຟຈີນ-ລາວໄດ້ກຽມພ້ອມຮຽບຮ້ອຍແລ້ວ.
ທ່ານມ໋າໂຢລຽງ ຮອງຫົວໜ້າຜູ້ຊີ້ນຳໂຄງການກໍ່ສ້າງທາງລົດໄຟຕ່ຽນນານຂອງກຸ່ມບໍລິສັດທາງລົດໄຟຄຸນມິງຈີນຈຳກັດໄດ້ໃຫ້ຮູ້ວ່າ: ສະຖານີທາງລົດໄຟຈີນ-ລາວແຕ່ລະແຫ່ງຕ່າງກໍເປັນພາບສະດຸດຕາທີ່ສວຍງາມໂດຍການອອກແບບໄດ້ເຊື່ອມສານວັດທະນະທຳຊົນເຜົ່າແລະເອກະລັກພິເສດຂອງທ້ອງຖິ່ນເຂົ້າກັນໄດ້ຢ່າງກົມກືນ, ຢູ່ຈຸດຂຶ້ນລົງລົດໄຟແລະຫ້ອງລໍ້ຖ້າສຳລັບຜູ້ໂດຍສານກໍໄດ້ມີໜ້າຈໍແຈ້ງຂໍ້ມູນຂ່າວສານທັງພາສາຈີນແລະພາສາລາວ, ພະນັກງານບໍລິການຜູ້ໂດຍສານກໍສາມາດເວົ້າໄດ້ສອງພາສາທັງພາສາຈີນແລະພາສາລາວ ເພື່ອອຳນວຍຄວາມສະດວກໃຫ້ແກ່ຜູ້ໂດຍສານ.
