ລັດຖະມົນຕີກະຊວງການຕ່າງປະເທດແຫ່ງສປປລາວຈະຢ້ຽມຢາມ ແລະເຮັດວຽກຢູ່ຈີນຕາມຄຳເຊີນ
ໂດຍຕອບສະໜອງຕາມຄຳເຊີນຂອງສະຫາຍຫວັງອີ້ ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດແຫ່ງສປຈີນ, ສະຫາຍສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດແຫ່ງສປປລາວພ້ອມດ້ວຍຄະນະ ຈະເດີນທາງໄປຢ້ຽມຢາມເຮັດວຽກຢູ່ສປຈີນຢ່າງເປັນທາງການ, ໃນລະຫວ່າງວັນທີ 2-4 ທັນວາປີ 2021. ການຢ້ຽມຢາມດັ່ງກ່າວນີ້, ເພື່ອເປັນການເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ ແລະ ການພົວພັນຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກຳລາວ-ຈີນ, ຈີນ-ລາວ ລະຫວ່າງສອງປະເທດ ກໍຄືຂອງສອງກະຊວງການຕ່າງປະເທດລາວ ແລະ ຈີນ, ທັງເປນການສະເຫຼີມສະຫຼອງຄົບຮອບ 60 ປີແຫ່ງການສ້າງຕັ້ງສາຍພົວພັນທາງການທູດລາວ-ຈີນ, ແລະປີມິດຕະພາບລາວ-ຈີນ2021 ໃຫ້ເລິກເຊິ່ງກວ່າເກົ່າ.