ຈັດກອງປະຊຸມສຸດຍອດເວທີປຶກສາຫາລືປະຊາຄົມສື່ມວນຊົນໜຶ່ງແລ້ວໜຶ່ງເສັ້ນທາງ 2021 ຢູ່ທີ່ປັກກິ່ງ
ວັນທີ 13 ທັນວານີ້, ກອງປະຊຸມສຸດຍອດເວທີປຶກສາຫາລືສຸດຍອດປະຊາຄົມສື່ມວນຊົນໜຶ່ງແລວໜຶ່ງເສັ້ນທາງ 2021 ທີ່ຈັດຂຶ້ນໂດຍສະຖານີວິທະຍຸໂທລະພາບສູນກາງຈີນ ຫຼື CMG ໄດ້ໄຂຂຶ້ນຢູ່ທີ່ປັກກິ່ງ.
ໃນເວທີປຶກສາຫາລືຄັ້ງນີ້, ຜູ້ຕາງໜ້າ 150 ກວ່າທ່ານທີ່ມາຈາກສື່ມວນຊົນສຳຄັນ 80 ແຫ່ງຂອງ 40 ກວ່າປະເທດ ແລະ ເຂດແຄວ້ນໄດ້ປຶກສາຫາລືກັນດ້ວຍຮູບແບບຜ່ານທາງອອນລາຍ ແລະ ອອຟລາຍ ໂດຍປິ່ນອ້ອມຫົວຂໍ້ຕ່າງໆ ເຊັ່ນ: ການເຕົ້າໂຮມຄວາມສາມາກຄີຄວາມຮັບຮູ້ທີ່ຄ້າຍຄືກັນ ແລະ ການຮ່ວມມືກັນ, ການປະດິດສ້າງດ້ານເນື້ອໃນ ແລະ ເຕັກນິກ, ການຮ່ວມມືໃນດ້ານອຸດສາຫະກຳ, ການຍົກສູງລະດັບຂອງປະຊາຊົນ ພ້ອມທັງການຊຸກຍູ້ການສ້າງສະພາບການໃໝ່ເພື່ອແລກປ່ຽນຄວາມສິວິໄລເປັນຕົ້ນ.
ຂ່າວແຈ້ງວ່າ, ປະຊາຄົມສື່ມວນຊົນໜຶ່ງແລວໜຶ່ງເສັ້ນທາງໄດ້ເຕີບໃຫຍ່ຂະຫຍາຍຕົວໂດຍມີ ສະມາຊິກ 139 ສະຖານີ ແລະ ຄູ່ຮ່ວມມືຈາກ 60 ປະເທດ ແລະ ເຂດແຄວ້ນ, ອິດທິພົນກໍ່ໄດ້ເພີ່ມຂຶ້ນຢ່າງຕໍ່ເນື່ອງ ໂດຍໄດ້ກາຍເປັນເວທີສຳຄັນເພື່ອຊຸກຍູ້ການຮ່ວມມືສາກົນດ້ານສື່ມວນຊົນ ແລະ ການພັດທະນາຄວາມຈະເລີນຮຸ່ງເຮືອງດ້ານຮູບເງົາໂທລະພາບ.