ວັນທີ 24 ພະຈິກນີ້, ກອງປະຊຸມສະຫະປະຊາຊາດໄດ້ຮັບຮອງເອົາມະຕິກ່ຽວກັບບັນດາປະເທດຄື ລາວ, ບັງກະລາເດັດ ແລະ ເນປານ ອອກຈາກຖັນແຖວປະເທດດ້ອຍພັດທະນາ.
ມະຕິດັ່ງກ່າວໄດ້ລະບຸວ່າ, ອີງຕາມຂໍ້ສະເໜີຂອງຄະນະກຳມະການນະໂຍບາຍການພັດທະນາຂອງອົງການສະຫະປະຊາຊາດ, ໂດຍຄຳນຶງເຖິງຜົນກະທົບຈາກການແຜ່ລະບາດຂອງພະຍາດໂຄວິດ-19, ຈະໃຫ້ສາມປະເທດມີ "ໄລຍະກະກຽມກ່ອນການຫຼຸດພົ້ນ" ເປັນເວລາ 5 ປີ ເຊິ່ງເກີນສາມປີຕາມສະພາບການປົກກະຕິ.
ມະຕິດັ່ງກ່າວໄດ້ເນັ້ນໜັກວ່າ ການຫຼຸດພົ້ນຈາກຖັນແຖວປະເທດດ້ອຍພັດທະນາເປັນຂີດໝາຍສຳຄັນຂອງປະເທດທີ່ກ່ຽວຂ້ອງ. ມະຕິຍັງກ່າວຢ້ຳວ່າ ການອອກຈາກຖັນແຖວປະເທດດ້ອຍພັດທະນາບໍ່ຄວນເຮັດໃຫ້ແຜນການພັດທະນາ ແລະ ໂຄງການພັດທະນາຢຸດ ຫຼື ພິກປີ້ນ.
ໃນນັ້ນ ລວມມີລາວ, ບັງກະລາເທດ ແລະ ເນປານ, ປະຈຸບັນນີ້ທົ່ວໂລກ ມີ ປະເທດດ້ອຍພັດທະນາ 46 ປະເທດ, ເຊິ່ງສ່ວນໃຫຍ່ແມ່ນຢູ່ໃນອາຟຣິກາ.
ຄະນະກໍາມະການນະໂຍບາຍການພັດທະນາຂອງສະຫະປະຊາຊາດແມ່ນຢູ່ພາຍໃຕ້ສະພາເສດຖະກິດສັງຄົມຂອງສະຫະປະຊາຊາດ, ພ້ອມທັງສະເໜີຄວາມຄິດເຫັນດ້ານນະໂຍບາຍຕໍ່ຄະນະສະພາດັ່ງກ່າວ, ຮັບຜິດຊອບໃນການສໍາຫຼວດສະພາບການຂອງບັນດາປະເທດດ້ອຍພັດທະນາ, ພິຈະນະລາບັນຊີລາຍຊື່ປະເທດທີ່ດ້ອຍພັດທະນາໃນທຸກໆ 3 ປີ.