ບ້ານໂອລິມປິກລະດູໜາວເປີດຂຶ້ນຢ່າງເປັນທາງການໃນວັນທີ 27 ມັງກອນ

ບ້ານໂອລິມປິກລະດູໜາວຂອງເຂດແຂ່ງຂັນສາມເຂດຢູ່ນະຄອນຫຼວງປັກກິ່ງ,ຈ່າງເຈ່ຍຄົວ,ຢານຊິງຂອງງານກິລາໂອລິມປິກລະດູໜາວປັກກິ່ງ ໄດ້ໄຂຂຶ້ນຢ່າງເປັນທາງການໃນວັນທີ 27 ມັງກອນ. ໃນມື້ດຽວກັນ, ບ້ານໂອລິມປິກລະດູໜາວປັກກິ່ງໄດ້ຕ້ອນຮັບຄະນະຜູ້ແທນທີ່ມາຈາກ 20 ກວ່າປະເທດແລະເຂດແຄວ້ນ, ມີນັກກິລາ​ ແລະ ​ເຈົ້າໜ້າທີ່ຂອງທີມຫຼາຍກວ່າ 300 ຄົນໄດ້ເຂົ້າພັກໃນບ້ານໂອລິມປິກລະດູໜາວ.ໃນໄລຍະງານກິລາໂອລິມປິກລະດູໜາວ, ບ້ານກິລາໂອລິມປິກລະດູໜາວປັກກິ່ງຈະໄດ້ຕ້ອນຮັບນັກກິລາ​ແລະ​ເຈົ້າໜ້າທີ່ຂອງທີມເກືອບ 1.700 ຄົນທີ່ມາຈາກ 44 ປະເທດແລະເຂດແຄວ້ນ.ງານກິລາໂອລິມປິກລະດູໜາວປັກກິ່ງກົງກັບບຸນກຸດຈີນປີຂານນີ້, ເຂດສະໜາມບ້ານກິລາໂອລິມປິກລະດູໜາວປັກກິ່ງໄດ້ຈັດວາງຮູບແບບທີ່ມີອົງປະກອບຂອງງານບຸນກຸດຈີນ,ນັກກິລາຈະໄດ້ຮັບຊຸດຂອງຂວັນບຸນກຸດຈີນເຊິ່ງລວມມີບັນດາຕົວໜັງສືອວຍພອນ,ໂຄມໄຟແລະອື່ນໆ,​ເພື່ອໃຫ້ເພື່ອນມິດທົ່ວໂລກໄດ້ຮູ້ສຶກເຖິງສະເໜ່ຂອງບຸນກຸດຈີນ.