ປິນຕຸ່ນຕຸ່ນ ສັດນຳໂຊກຂອງງານກິລາໂອລິມປິກລະດູໜາວປັກກິ່ງປີ2022 ກຳລັງເປັນທີ່ນິຍົມ

ປິນຕຸ່ນຕຸ່ນ (Bing Dwen Dwen) ແມ່ນສັດນຳໂຊກຂອງງານກິລາໂອລິມປິກລະດູໜາວປັກກິ່ງປີ2022. ປິນຕຸ່ນຕຸ່ນ ແມ່ນການລວມເອົາຮູບໝີແພນດາກັບເປືອກນ້ຳແຂງຄຣິສຕັລ (crystal), ເປືອກນ້ຳແຂງນອກຫົວຂອງປິນຕຸ່ນຕຸ່ນ ແມ່ນເອົາມາຈາກໝວກກິລາປະເພດນ້ຳກ້ອນ ແລະ ຫິມະ, ຕົກແຕ່ງດ້ວຍວົງມົນທີ່ເປັນແສງສີສັນ, ແລະຮູບໂດຍລວມແມ່ນຄ້າຍກັບນັກບິນອາວະກາດ.

ຫຼັງຈາກການເປີດງານກິລາໂອລິມປິກລະດູໜາວປັກກິ່ງ, ປິນຕຸ່ນຕຸ່ນ ໄດ້ຮັບຄວາມນິຍົມຈາກເດັກນ້ອຍ, ຜູ້ໃຫຍ່, ຊາວຈີນ​ແລະ​ຊາວຕ່າງປະເທດ. ນັກກິລາຍັງໄດ້ຮັບປິນຕຸ່ນຕຸ່ນ ທີ່ມີສີຄຳໃນພິທີມອບເຄື່ອງທີ່ລະນຶກຂອງງານກິລາໂອລິມປິກລະດູໜາວ, ຜູ້ໄດ້ຮັບເຄື່ອງທີ່ລະນຶກທຸກຄົນມັກປິນຕຸ່ນຕຸ່ນທີ່ມີສີຄຳຫຼາຍ.

ໃນປັດຈຸບັນ, ມີລູກຄ້າຈໍານວນຫຼາຍທີ່ຕ້ອງການໄປຮ້ານຄ້າເພື່ອຊື້ປິນຕຸ່ນຕຸ່ນ, ແຕ່ມີຫຼາຍຄົນບໍ່ສາມາດຊື້ປິນຕຸ່ນຕຸ່ນໄດ້. ຊາວເນັດໄດ້ໃຊ້ນໍ້າຕານ, ພາດສະຕິກແລະວັດສະດຸອື່ນໆ ມາເຮັດປິນຕຸ່ນຕຸ່ນ ຫຼາຍແບບທີ່ແຕກຕ່າງກັນ.

ໂຄສົກຂອງຄະນະກຳມະການຈັດງານກິລາໂອລິມປິກລະດູໜາວປັກກິ່ງກ່າວວ່າ, ໄດ້ມີການສະໜອງສິນຄ້າປິນຕຸ່ນຕຸ່ນເພີ່ມຂຶ້ນ.ຖ້າຫາກວ່າທ່ານບໍ່ສາມາດຊື້ປິນຕຸ່ນຕຸ່ນ ໄດ້, ພວກເຮົາຂໍເຊີນຊວນທ່ານມາເບິ່ງຮູບພາບທີ່ສວຍງາມຂອງປິນຕຸ່ນຕຸ່ນ.