ຈັດຕັ້ງປະຕິບັດແຜນການພັດທະນາບ້ານອ້ອມຂ້າງຂອງໂຮງງານທີ່ຕັ້ງຢູ່ລາວ ຂອງວິສາຫະກິດກະສິກໍາຈີນສາກົນ
ເດືອນມິຖຸນາເປັນໄລຍະສຳຄັນຂອງການປູກເຂົ້າຢູ່ລາວ, ການໃສ່ຝຸ່ນກາລີມີຄວາມສໍາຄັນຫຼາຍ. ໂຮງງານທີ່ຕັ້ງຢູ່ລາວຂອງວິສາຫະກິດກະສິກໍາຈີນສາກົນ ຕັ້ງໜ້າຈັດຕັ້ງປະຕິບັດຈິດສໍານຶກການພັດທະນາທີ່ເຊື່ອມໂຍງເຂົ້າກັນ ແລະ ຕ່າງຝ່າຍຕ່າງມີຜົນປະໂຫຍດ, ສະໜອງການຊ່ວຍເຫຼືອດ້ານກະສິກໍາ ແລະ ການຊີ້ນໍາດ້ານການໃສ່ຝຸ່ນໃຫ້ແກ່ເຂດບ້ານໃກ້ຄຽງ, ເສີມຂະຫຍາຍເຕັກນິກໃສ່ຝຸ່ນຢ່າງວິທະຍາສາດ, ຊ່ວຍເຫຼືອຊາວບ້ານເພີ່ມທະວີປະລິມານການຜະລິດ. ພ້ອມກຽວກັນນັ້ນ, ຍັງໄດ້ມອບທຶນການຊ່ວຍເຫຼືອຈໍານວນ 174.434.000 ກີບ ເຊິ່ງໄດ້ຊ່ວຍຊາວບ້ານເຂດໃກ້ຄຽງຫຼຸດພົ້ນອອກຈາກຄວາມທຸກຍາກ ແລະ ປັບປຸງຄຸນນະພາບຊີວິດດ້ວຍການປະຕິບັດຢ່າງເປັນຮູບປະທໍາ, ເຊິ່ງໄດ້ຮັບການຮັບຮອງ ແລະ ການຍ້ອງຍໍຈາກອຳນາດການປົກຄອງທ້ອງຖິ່ນ ແລະ ຊາວບ້ານ. ຕາງໜ້າການນຳແຂວງຄໍາມ່ວນເຂົ້າຮ່ວມມີ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຄໍາມ່ວນ, ນາຍບ້ານ ແລະ ຊາວບ້ານຂອງ 9 ບ້ານກໍໄດ້ເຂົ້າຮ່ວມໃນພິທີມອບຮັບຄັ້ງນີ້.
ຊາວບ້ານຜູ້ໜຶ່ງເວົ້າຢ່າງດີໃຈວ່າ “ຂອບໃຈຕໍ່ການຊ່ວຍເຫຼືອ ການຊີ້ນໍາ ແລະ ກອງທຶນການພັດທະນາຈາກວິສາຫະກິດຝຸ່ນກາລີກະສິກໍາຈີນສາກົນ, ຂ້າພະເຈົ້າເຊື່ອວ່າຜົນເກັບກ່ຽວຂອງປີນີ້ຕ້ອງຈະດີຫຼາຍ, ຊີວິດຂອງພວກເຮົາຈະນັບມື້ນັບດີຂຶ້ນ.”.
ຈາກການຈັດຕັ້ງຜູ້ຊ່ຽວຊານຊີ້ນຳກ່ຽວກັບກະສິກຳການປູກຝັງ, ຈົນເຖິງການຈັດຊື້ເຄື່ອງຈັກກະສິກຳເພື່ອຊ່ວຍເຫຼືອການເກັບກ່ຽວ, ຈົນຮອດການບໍລິຈາກທຶນຮອນການພັດທະນາ... ວິສາຫະກິດກະສິກໍາຈີນສາກົນຕັ້ງໜ້າຈັດຕັ້ງປະຕິບັດໜ້າທີ່ຮັບຜິດຊອບຕໍ່ສັງຄົມ, ເຊິ່ງໄດ້ດຳເນີນກິດຈະກໍາເພື່ອສັງຄົມຫຼາຍຢ່າງຢ່າງມີປະສິດທິຜົນ ເພື່ອຊຸກຍູ້ການພັດທະນາເສດຖະກິດສັງຄົມຂອງທ້ອງຖິ່ນ.
ປັດຈຸບັນນີ້, ວິສາຫະກິດກະສິກໍາຈີນສາກົນກໍາລັງວາງແຜນການທີ່ຈະສ້າງໂຄງການໂຮງງານປຸງແຕ່ງຝຸ່ນປະສົມຂະໜາດໃຫຍ່ຢູ່ແຂວງຄໍາມ່ວນ, ໂດຍອາໄສປະສົບການໂຄງການຝຸ່ນກາລີ ແລະ ຊັບພະຍາກອນຂອງຈີນ ມາຕື່ມຊ່ອງຫວ່າງຂອງຄວາມສາມາດການຜະລິດຝຸ່ນປະສົມຂອງລາວ, ເຊິ່ງໃນດ້ານໜຶ່ງຈະຕອບສະໜອງຄວາມຕ້ອງການການປູກຝັງກະສິກຳຂອງລາວ ເພີ່ມທະວີຄຸນນະພາບຂອງຜະລິດຕະພັນກະສິກໍາ, ໃນອີກດ້ານໜຶ່ງ ຍັງຈະສາມາດສົ່ງອອກສູ່ບັນດາປະເທດອາຊຽນ, ຫຼຸດຜ່ອນການຊົມໃຊ້ເງິນຕາຕ່າງປະເທດຂອງລາວ ແລະ ເພີ່ມທະວີຄັງສໍາຮອງເງິນຕາຕ່າງປະເທດ, ເພື່ອປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພັດທະນາກະສິກຳ ແລະ ເສດຖະກິດຂອງລາວ ແລະ ການເພີ່ມທະວີການຮ່ວມມືມິດຕະພາບລະຫວ່າງລາວຈີນ.