#ຮ້ອງເພງຮ່ວມກັນ "ເພືອນເກົ່າ" ກ້າວຂຶ້ນສູ່ຂັ້ນໄດຂັ້ນໃໝ່# ວັນທີ 25 ເມສາ ແມ່ນວັນຄົບຮອບວັນສ້າງຕັ້ງສາຍພົວພັນທາງການທູດລາວ-ຈີນ. ກ່ອນໜ້ານີ້ 61 ປີ, ຈີນ ແລະ ລາວ ໄດ້ສ້າງຕັ້ງການພົວພັນທາງການທູດຢ່າງເປັນທາງການ, ເປີດປະຕູໃໝ່ໃນການພົວພັນມິດຕະພາບລະຫວ່າງສອງປະເທດ. 61 ປີທີ່ຜ່ານມາ, ປະຊາຊົນສອງຊາດໄດ້ຊ່ວຍເຫຼືອເຊິ່ງກັນແລະກັນ, ຮູ້ຈັກເຊິ່ງກັນແລະກັນ, ການຮ່ວມມືຂອງສອງປະເທດໄດ້ກ້າວໄປທາງໜ້າ ແລະ ບັນລຸໄດ້ບັນດາຜົນງານທີ່ໜ້າຊື່ນຊົມ. ມິດຕະພາບລະຫວ່າງລາວ-ຈີນນັບມື້ນັບແໜ້ນແຟ້ນຍິ່ງຂຶ້ນແລະໄດ້ຝັງເລິກຢູ່ໃນໃຈປະຊາຊົນ.ສູນເຜີຍແຜ່ໂຄສະນາອາຊີປາຊີຟິກ ກົມພາສາຕ່າງປະເທດແຫ່ງປະເທດຈີນ ຮ່ວມກັບທ່ານ ລຽງເຜິງ(Liang Peng) ຜູ້ແຕ່ງທຳນອງ, ທ່ານ ຖາງອີ ຜູ້ຂຽນເນື້ອເພງ ແລະ ນັກຮ້ອງ @ຫຼີປິງປິງ (ຈີນ) ແລະ @ອະຕິຊາ ລັດຕະນະວອນ(ລາວ) ໄດ້ເປີດໂຕເພງຫົວຂໍ້ມິດຕະພາບລາວ-ຈີນ "ເພືອນເກົ່າ" ຢ່າງເປັນທາງການເພື່ອລະນຶກເຖິງວັນສ້າງຕັ້ງສາຍພົວພັນທາງການທູດລະຫວ່າງລາວ-ຈີນຄົບຮອບ 61 ປີ.
ເສັ້ນທາງລົດໄຟລາວ-ຈີນທີ່ໄດ້ເປີດບໍລິການໃນທ້າຍປີ2021ໄດ້ສ້າງເປັນ "ເສັ້ນທາງແຫ່ງຄວາມຮັ່ງມີ" ແລະ "ເສັ້ນທາງແຫ່ງຄວາມສຸກ" ທີ່ໄດ້ເຊື່ອມຕໍ່ປະຊາຊົນລາວ-ຈີນໃຫ້ແໜ້ນແຟ້ນຍິ່ງຂຶ້ນ. "ໂບກມືທັກທາຍຜ່ານສາຍນ້ຳແລະພູເຂົານັບພັນ ຄວາມຮັກບໍ່ຈໍຳເປັນຕ້ອງລໍຖ້າອີກຕໍ່ໄປ" ແລະ "ພູເຂົາແລະແມ່ນ້ຳທີ່ເຊື່ອມຕໍ່ດ້ວຍທິວທັດທີ່ງົດງາມ ໃຈຂອງຂ້ອຍນັ້ນຈະຢູ່ເພື່ອເຈົ້າ" ເປັນພາບທີ່ສົດໃສຂອງຄູ່ຮ່ວມຊາຕາກຳລາວ-ຈີນໃນຍຸກໃໝ່."ເມືອດອກໄມ້ເບັ່ງບານດັ່ງໃຈທີ່ມີຝັນ" ສະແດງໃຫ້ເຫັນວ່າ"ດອກໄມ້ແຫ່ງມິດຕະພາບ"ແລະ"ດອກໄມ້ແຫ່ງຄວາມຝັນ"ໄດ້ເບັ່ງບານໃນໃຈຂອງປະຊາຊົນສອງຊາດ, ມິດຕະພາບລະຫວ່າງຈີນແລະລາວຈະເປັນ " ຄວາມຈິງໃຈ ແລະ ຮັກແພງຕະຫຼອດການ". ຂໍໃຫ້ປະຊາຊົນສອງປະເທດເປັນ "ບ້ານໃກ້ເຮືອນຄຽງທີ່ດີ, ສະຫາຍທີ່ດີ, ຫມູ່ເພືອນທີ່ດີ ແລະ ຄູ່ຮ່ວມມືທີ່ດີ" ຕະຫຼອດໄປ.