ຈຸດຊົມວິວຫຼາຍແຫ່ງໃນກິ່ງແຂວງສິບສອງພັນນາເປີດຢ່າງຕໍ່ເນື່ອງ

ອີງຕາມການປ້ອງກັນແລະຄວບຄຸມພະຍາດລະບາດເພື່ອການຟື້ນຟູເປັນປົກກະຕິຂອງເມືອງຈິ້ງຮົ່ງກິ່ງແຂວງສິບສອງພັນນາ, ບັນດາຈຸດຊົມວິວທັດສະນີຍະພາບຕ່າງໆຂອງກິ່ງແຂວງສິບສອງພັນນາກໍ່ໄດ້ເປີດຂຶ້ນຢ່າງຕໍ່ເນື່ອງ. ປັດຈຸບັນ,ໃນສະຖານທີ່ທ່ອງທ່ຽວລະດັບ A ໃນກິ່ງແຂວງສິບສອງພັນນາ ຈໍານວນ 18 ແຫ່ງ, ຍົກເວັ້ນສວນລົງຊວງທີ່ຖືກປິດຍ້ອນການປັບປຸງແລະສ້ອມແປງ, ຈຸດຊົມວິວເຊັ່ນ ເມຶອງຈຽງໄລ, ເຂດຕົ້ນໄມ້ດ່ຽວກາຍເປັນປ່າ ແລະ ຮ່ອມພູຝົນທີ່ຖືກປິດຍ້ອນພະຍາດລະບາດ, ສ່ວນທີ່ເຫຼືອຂອງຈຸດຊົມວິວຈະເປີດເປັນປົກກະຕິ.

ນອກຈາກນັ້ນ,​ເຂດທັດສະນີຍະພາບຫຼາຍແຫ່ງຍັງໄດ້ນຳສະເໜີກິດຈະກຳທີ່ດີເດັ່ນ. ຈຸດທັດສະນີຍະພາບຂອງຮ່ອມພູຊ້າງປ່າໄດ້ເຂົ້າສູ່ຊ່ວງທີ່ຊ້າງອາຊີປ່າເຄື່ອນໄຫວຫຼາຍທີ່ສຸດ, ແລະຈຸດຊົມວິວທິວທັດດັ່ງກ່າວໄດ້ເປີດກິດຈະກຳທີ່ໜ້າຕື່ນເຕັ້ນຫຼາຍຢ່າງ. ສວນພຶກສາສາດເຂດຮ້ອນສິບສອງພັນນາ ຂອງສະພາບັນດິດວິທະຍາສາດສປຈີນໄດ້ເປີດງານວາງສະແດງ “ຄວາມງາມຂອງປ່າຝົນ-ຈາກສິບສອງພັນນາສູ່ແຫຼມອິນດູຈີນ” ຢູ່ສູນການສຶກສາສິ່ງແວດລ້ອມຂອງສວນສາທາລະນະ,ໂດຍໄດ້ສະແດງເຖິງຄວາມມະຫັດສະຈັນແລະຄວາມງົດງາມຂອງປ່າດົງດິບເຂດຮ້ອນ ເພື່ອໃຫ້ສາທາລະນະຊົນໄດ້ຮັບຮູ້ຕື່ມອີກ. ເພື່ອໃຫ້ປະຊາຊົນສາມາດເຂົ້າໃຈ, ເອົາໃຈໃສ່ແລະປົກປັກຮັກສາປ່າດົງດິບເຂດຮ້ອນ.