ເມື່ອບຸນກຸດຈີນໃກ້ຈະມາເຖິງ, ດອກໄມ້ສົດໄດ້ກາຍເປັນທາງເລືອກທີ່ຈຳເປັນຂອງຫຼາຍຄົນໃນການຊື້ສິນຄ້າໃນວັນບຸນກຸດຈີນ.ບໍລິສັດປູກດອກໄມ້ແຫ່ງໜຶ່ງຢູ່ນະຄອນຄຸນໝິງແຂວງຢຸນນານ, ຜູ້ຮັບຜິດຊອບໃນບໍລິສັດ ແລະຊາວສວນດອກໄມ້ພວມຂຸ້ນຂ້ຽວກັບການເກັບກ່ຽວດອກໄມ້ສົດເພື່ອຂາຍໃຫ້ໄດ້ລາຄາດີກ່ອນບຸນກຸດຈີນ.
ໃນຊຸມປີມໍ່ໆມານີ້, ເມືອງຈິງນິງນະຄອນຄຸນໝິງໄດ້ນຳເອົາ ສະຖາບັນຄົ້ນຄວ້າວິທະຍາສາດລະດັບສູງຈຳນວນໜຶ່ງເຂົ້າມາ, ຊາວກະສິກອນສວນດອກໄມ້ໄດ້ນຳໃຊ້ເຕັກໂນໂລຊີທີ່ມີປະສິດທິຜົນແລະແທດເໝາະກັບຕົວຈິງ,ການພັດທະນາອຸດສາຫະກຳດອກໄມ້ຂອງເມືອງຈິງນິງໄດ້ຮັບການສະໜັບສະໜູນຈາກວິທະຍາສາດເຕັກໂນໂລຊີ.
ມາຮອດທ້າຍປີ 2020, ເນື້ອທີ່ປູກດອກໄມ້ ແລະ ພືດສວນຢູ່ເມືອງຈິງນິງນະຄອນຄຸນໝິງບັນລຸ 3.927 ເຮັກຕາ, ໃນນັ້ນເນື້ອທີ່ການປູກດອກໄມ້ສົດມີ 3.680 ເຮັກຕາ, ຜະລິດດອກໄມ້ຕັດສົດໄດ້ 4,844 ຕື້ດອກ, ຍອດມູນຄ່າຜະລິດຕະພັນກະສິກຳດອກໄມ້ແມ່ນ 2,75 ຕື້ຢວນ, ຍອດມູນຄ່າການປຸງແຕ່ງແມ່ນ 4,48 ຕື້ຢວນ, ເຊິ່ງເປັນເມືອງ(ເຂດ)ທີ່ໃຫຍ່ທີ່ສຸດຂອງການຜະລິດດອກໄມ້ສົດໃນປະເທດຈີນ,ເນື້ອທີ່ປູກ,ຍອດມູນຄ່າຜະລິດຕະພັນແລະການຜະລິດຂອງດອກໄມ້ສົດແມ່ນອັນດັບໜຶ່ງຂອງແຂວງຢຸນນານ.
