ເວລາ 20:00 ໂມງຂອງວັນທີ 9 ຕາມເວລາທ້ອງຖິ່ນ, ລົດໄຟ EMU ຂະບວນທີ 3 ຂະບວນ "ລ້ານຊ້າງ" ຂອງເສັ້ນທາງລົດໄຟລາວ-ຈີນ ໄດ້ເດີນທາງມາຮອດນະຄອນຫຼວງວຽງຈັນຂອງປະເທດລາວ.ຂະບວນລົດໄຟ EMU ນີ້ຈະໄດ້ຮັບການນຳໃຊ້ໃນກາງເດືອນເມສາໃນໄລຍະປີໃໝ່ລາວ,ໂດຍຈະແລ່ນຈາກນະຄອນຫຼວງວຽງຈັນໄປຫາເມືອງໄຊ.
ບ່ອນນັ່ງຜູ້ໂດຍສານ ຊັ້ນທຸລະກິດ (Business class) ແມ່ນຈຸດເດັ່ນທີ່ໃຫຍ່ທີ່ສຸດຂອງລົດໄຟ EMU ນີ້. ຜູ້ໂດຍສານສາມາດມ່ວນຊື່ນກັບສະພາບແວດລ້ອມຂອງຕູ້ລົດໄຟທີ່ສະຫງ່າງາມກວ່າ, ພື້ນທີ່ນັ່ງກວ້າງຂວາງກວ່າ, ແລະປະສົບການການນັ່ງທີ່ສະດວກສະບາຍກວ່າ. ຂະບວນລົດໄຟລົດໄຟ EMUນີ້ມີ ຕູ້ບ່ອນນັ່ງຜູ້ໂດຍສານ ຊັ້ນທຸລະກິດ 18 ບ່ອນນັ່ງ, ຕູ້ບ່ອນນັ່ງຜູ້ໂດຍສານ ຊັ້ນໜຶ່ງ 72 ບ່ອນນັ່ງ, ຕູ້ບ່ອນນັ່ງຜູ້ໂດຍສານ ຊັ້ນສອງ 98 ບ່ອນນັ່ງ, ແລະບັນຈຸຄົນໄດ້ທັງໝົດ 630 ຄົນ.
ມາຮອດວັນທີ 7 ເມສາ, ຕອນປະເທດລາວຂອງເສັ້ນທາງລົດໄຟລາວ-ຈີນໄດ້ເປີດແລ່ນຂະບວນລົດໄຟ ທັງໝົດ 456 ຂະບວນ, ສົ່ງຜູ້ໂດຍສານ 236.800 ເທື່ອຄົນ, ສົ່ງຜູ້ໂດຍສານສະເລ່ຍຕໍ່ມື້ປະມານ 1.880 ເທື່ອຄົນ, ແລະ ສາມາດສົ່ງຜູ້ໂດຍສານຂອງມື້ໜຶ່ງໄດ້ຫຼາຍທີ່ສຸດເຖິງ 3.160 ເທື່ອຄົນ.
ມາຈາກ ເວັບໄຊປະຊາຊົນ
ນັກຂ່າວ ຊົນກວາງຢົງ