ເສັ້ນທາງລົດໄຟລາວ-ຈີນມອບຜົນງານຂອງ "ການເປີດນຳໃຊ້ຄົບຮອບ 1 ເດືອນ"

ວັນທີ 3 ມັງກອນ, ເສັ້ນທາງລົດໄຟລາວ-ຈີນເປີດການນຳໃຊ້ຄົບຮອບ 1 ເດືອນ.ໃນ 1 ເດືອນທີ່ຜ່ານມາ, ເສັ້ນທາງລົດໄຟລາວ-ຈີນໄດ້ຂົນສົ່ງຜູ້ໂດຍສານທັງໝົດ 670.000 ​ເທື່ອຄົນ, ໄດ້ມີຂະບວນລົດໄຟຂົນສົ່ງສິນຄ້າກວ່າ 380 ຖ້ຽວ,ຂົນສົ່ງສິນຄ້າໄດ້ 170.000​ໂຕນ.ໃນນັ້ນ, ຂະບວນລົດໄຟຂົນສົ່ງສິນຄ້າສາກົນມີ 116 ຖ້ຽວໄດ້ຮັບການກວດກາແລະປ່ອຍອອກຈາກດ່ານພາສີຄຸນໝິງ, ມີປະລິມານການຂົນສົ່ງສິນຄ້າທັງໝົດ 49.800 ​ໂຕນ ແລະ ມູນຄ່າການຂົນສົ່ງສິນຄ້າທັງໝົດ 676 ລ້ານຢວນ.

ອີງຕາມຂໍ້ມູນຂ່າວສານວ່າ, ອີງຕາມສະຖານະການປ້ອງກັນແລະຄວບຄຸມການແຜ່ລະບາດ ແລະ ການໄຫລວຽນຂອງ ຜູ້ໂດຍສານທີ່ມີການປ່ຽນແປງ, ໃນລະຫວ່າງວັນບຸນປີໃໝ່ສາກົນ, ເສັ້ນທາງລົດໄຟລາວ-ຈີນ ໄດ້ມີການເພີ່ມຂະບວນລົດໄຟ 1 ຄູ່ຈາກວຽງຈັນຫາບໍ່ແຕ່ນ, ເພື່ອຕອບສະໜອງການເດີນທາງໃນວັນພັກຂອງປະຊາຊົນລາວ. ວັນທີ 10 ມັງກອນ, ຕອນພາຍໃນຈີນຂອງເສັ້ນທາງລົດໄຟລາວ-ຈີນມີແຜນຈະເປີດແລ່ນຂະບວນລົດໄຟປະມານ 28 ຄູ່.

ສິນຄ້າຂາເຂົ້າ-ຂາອອກໂດຍຜ່ານເສັ້ນທາງລົດໄຟລາວ-ຈີນມີ 100 ກວ່າຊະນິດ, ສິນຄ້ານຳເຂົ້າຕົ້ນຕໍມີ ຢາງພາລາທຳມະຊາດ, ຫີນແຮ່ເຫຼັກ, ຖ່ານໄມ້ ແລະ ອື່ນໆ, ສິນຄ້າສົ່ງອອກຕົ້ນຕໍມີຜັກສົດ, ເຄື່ອງໃຊ້ປະຈຳວັນ, ເຄື່ອງໄຟຟ້າກົນຈັກເປັນຕົ້ນ. ສິນຄ້າທີ່ມາຈາກ 12 ເມືອງ 7 ແຂວງ (ເຂດປົກຄອງຕົນເອງ ແລະ ເມືອງ) ລວມມີແຂວງເຫີເປີຍ, ຊານຕົງ, ຈຽງຊູ, ເຈີ້ຈຽງ, ກວາງຕຸ້ງ, ເສສວນ ແລະ ຈົງຊິງ ໄດ້ມາຮອດລາວດ້ວຍຂະບວນລົດໄຟຂົນສົ່ງສິນຄ້າສາກົນເສັ້ນທາງລົດໄຟລາວ-ຈີນ, ແລະສິນຄ້າບາງສ່ວນໄດ້ສົ່ງອອກຮອດປະເທດມຽນມາ, ໄທ, ສິງກະໂປ ແລະ ປະເທດອື່ນໆ.