ວັນທີ 22 ທັນວານີ້, ເວທີປາໄສເມືອງຄູ່ແຝດສື່ມວນຊົນຈີນ-ມຽນມາປີ 2021 ໄຂຂຶ້ນຢູ່ຄຸນໝິງ.ກິດຈະກຳນີ້ຈັດຂຶ້ນໂດຍກົມໂຄສະນາເຜີຍແຜ່ ຄະນະກຳມະການປົກຄອງແຂວງຢຸນນານພັກກອມມູນິດຈີນ, ມີກຸ່ມກິດຈະການໜັງສືພິມລາຍວັນຢຸນນານເປັນເຈົ້າການຈັດ, ແລະ ຮ່ວມຈັດຕັ້ງໂດຍສະຖາບັນວິທະຍາສາດສັງຄົມຢຸນນານ, ສະຖາບັນອາຊີໃຕ້ ແລະ ອາຊີຕາເວັນອອກສ່ຽງໃຕ້ຂອງຈີນ(ຄຸນໝິງ).
ເວທີປາໄສນີ້ມີຫົວຂໍ້ວ່າ "ສ້າງຄວາມເຊື່ອໝັ້ນເຊິ່ງກັນແລະກັນ ເພີ່ມທະວີການປະສານງານກັນ ແລະ ການພົວພັນຮ່ວມມືດ້ານສື່ມວນຊົນຈີນ-ມຽນມາກ້າວໄປສູ່ອະນາຄົດ",ເວທີປາໄສດັ່ງກ່າວໄດ້ຈັດຂຶ້ນທາງອິນເຕີເນັດແລະ ໃນສະຖານທີ່ຈັດງານຕົວຈິງ, ເວທີນີ້ມີຫຼາຍກິດຈະກຳເຊັ່ນ ພິທີເປີດ, ກ່າວຄຳປາໄສ, ເວທີປາໄສຄູ່ຂະໜານ ແລະກິດຈະກຳອື່ນໆ. ຜູ້ຊ່ຽວຊານໃນດ້ານຕ່າງໆຂອງສອງປະເທດເຊັ່ນ ດ້ານບັນຫາສາກົນ, ສື່ມວນຊົນ, ການແປພາສາຈີນ-ມຽນມາ ແລະ ອື່ນໆກໍໄດ້ເຂົ້າຮ່ວມເວທີປາໄສຄັ້ງນີ້.
ໃນພິທີເປີດ, ໄດ້ຈັດພິທີເປີດສູນຄົ້ນຄວ້າສື່ມວນຊົນຈີນ-ມຽນມາແລະຫ້ອງການຄົ້ນຄວ້າການແປພາສາໂຄສະນາເຜີຍແຜ່ສາກົນຈີນ-ມຽນມາ,ແລະໄດ້ມອບຈົດໝາຍແຕ່ງຕັ້ງໃຫ້ຄະນະຜູ້ຊ່ຽວຊານຊຸດທຳອິດ 24 ທ່ານທີ່ເປັນຜູ້ຊ່ຽວຊານການແປພາສາຈີນ-ມຽນມາ ແລະ ກຸ່ມຄັງປັນຍາຂອງສອງປະເທດຈີນ-ມຽນມາ.