ເປົ້າໝາຍອັນຍິ່ງໃຫຍ່ເພື່ອເຮັດໃຫ້ຈີນ 300 ລ້ານຄົນໄດ້ຫຼິ້ນກິລາປະເພດນ້ຳກ້ອນແລະຫິມະໄດ້ປະກົດຜົນເປັນຈິງແລ້ວ
ວັນທີ 13 ມັງກອນນີ້, ທ່ານລີເຊີ່ນ ຫົວໜ້າພະແນກວາງແຜນການລວມຂອງຄະນະກຳມະການຈັດງານກິລາໂອລິມປິກລະດູໜາວປັກກິ່ງໄດ້ກ່າວໃນກອງປະຊຸມຂ່າວທີ່ຈັດໂດຍຫ້ອງການຖະແຫຼງຂ່າວຂອງລັດຖະບານຈີນວ່າ: ການຊຸກຍູ້ການພັດທະນາຂອງກິລາປະເພດນ້ຳກ້ອນແລະຫິມະຈີນ ແມ່ນໜຶ່ງໃນເປົ້າໝາຍສຳຄັນໃນເວລາທີ່ຈີນຮ້ອງຂໍເພື່ອເປັນເຈົ້າພາບຈັດງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູໜາວ. ໃນຫຼາຍປີມານີ້, ຈີນໄດ້ຖືເອົາການຈັດງານຄັ້ງນີ້ເປັນໂອກາດ ເຊິ່ງໄດ້ເຮັດໃຫ້ກິລາປະເພດນ້ຳກ້ອນແລະຫິມະມີການພັດທະນາຢ່າງວ່ອງໄວ, ຈຳນວນຄົນທີ່ຫຼິ້ນກິລາປະເພດນີ້ມີເຖິງ 346 ລ້ານຄົນ. ມາຮອດທ້າຍປີ 2020, ທົ່ວປະເທດຈີນມີສະໜາມກິລານ້ຳກ້ອນທີ່ໄດ້ມາດຕະຖານ 654 ແຫ່ງ ແລະສະໜາມກິລາສະກີໃນຮົ່ມແລະກາງແຈ້ງປະເພດຕ່າງໆເຖິງ 803 ແຫ່ງ ເຊິ່ງໄດ້ບັນລຸເປົ້າໝາຍອັນຍິ່ງໃຫຍ່ທີ່ຈະເຮັດໃຫ້ປະຊາຊົນຈີນ 300 ລ້ານຄົນໄດ້ຫຼິ້ນກິລາປະເພດນ້ຳກ້ອນແລະຫິມະ.
